សហរដ្ឋអាមេរិចបានដាក់ទណ្ឌកម្មបន្ថែមលើមនុស្សចំនួន ៦នាក់ និងក្រុមហ៊ុនចំនួន ៣ដែលអាមេរិចអះអាងថា មានទំនាក់ទំនងជាមួយនឹងក្រុមយោធាការពារបដិវត្តន៍អ៊ីស្លាមអ៊ឺរ៉ង (IRGC)។ នេះបើតាមការចុះផ្សាយរបស់សារព៌តមាន BBC នៅថ្ងៃសុក្រនេះ។
រដ្ឋមន្ត្រីរតនាគារអាមេរិច លោក Steven Mnuchin បានបញ្ជាក់ថា ការដាក់ទណ្ឌកម្មគឺសំដៅដល់អ្នកទាំងឡាយណាដែលបានផ្តល់លុយរាប់លានដុល្លា ទៅដល់ក្រុមទាំងនោះដើម្បីគាំទ្រសកម្មភាពដ៏គ្រោះថ្នាក់របស់ពួកគេ។
ចំណែកធនាគារកណ្តាលរបស់អ៊ឺរ៉ងក៏រងការចោទប្រកាន់ថា បានជួយដល់ក្រុម IRGC ឲ្យទទួលបានសាច់ប្រាក់ជាដុល្លារ។
ទោះយ៉ាងណា ក្រសួងរតនាការអាមេរិច មិនបានបញ្ជាក់ពីឈ្មោះជន និងក្រុមហ៊ុន ដែលរងទណ្ឌកម្មរបស់អាមេរិចនោះទេ ដោយពួកគេគ្រាន់តែបញ្ជាក់ថា អ្នកទាំងនោះជាជនជាតិអ៊ឺរ៉ងទាំងអស់។
សំរាប់ការដាក់ទណ្ឌកម្ម រាល់ប្រជាជន និងក្រុមហ៊ុនអាមេរិចទាំងអស់នឹងត្រូវហាមប្រាមមិនឲ្យធ្វើជំនួញជាមួយជនទាំងនោះឡើយ។
សូមបញ្ជាក់ថា ក្រុម IRGC ត្រូវបានបង្កើតឡើងក្នុងឆ្នាំ ១៩៧៩ ដើម្បីការពារដល់បណ្តាញអ៊ីស្លាមរបស់អ៊ីរ៉ង់។ ក្រុមនេះគឺជាកងកំលាំងយោធានយោបា និងសេដ្ឋកិច្ចដ៏សំខាន់នៅក្នុងប្រទេសអ៊ឺរ៉ង៕ សុភ័ក្ត្រ
