ភ្នំពេញ ៖ ជនសង្ស័យ ចំនួន៥នាក់ ដែលបានលួចលក់ផលិតផលអវ:យវ:ភេទបុរស និងស្ត្រីជ័រ រួមនឹងថ្នាំសំរើបផ្សេងៗបម្រើឲ្យសេវាឱរ៉ាល់ស៊ិច ដោយមិនមានច្បាប់អនុញ្ញាតត្រូវកម្លាំងអាវុធហត្ថការិយាល័យបទល្មើសជួញដូរមនុស្ស នៃមន្ទីរយុត្តិធម៌ កងរាជអាវុធហត្ថរាជធានីភ្នំពេញ នៅថ្ងៃទី១០ ខែឧសភា ឆ្នាំ២០១៨នេះ បានចុះបង្ក្រាបនិងឃាត់ខ្លួន ស្ថិតនៅចំណុចផ្ទះលេខ៤៨៥ ក្រុម១៥ភូមិ ភ្នៀត សង្កាត់ ស្ទឹងមានជ័យ២ ខណ្ឌមានជ័យ រាជធានីភ្នំពេញ។
បើតាមមន្ដ្រីអាវុធហត្ថរាជធានីភ្នំពេញ បានឲ្យដឹងថា ជនសង្ស័យ ទាំង៥នាក់ រួមមាន៖ ១៖ ឈ្មោះ សម្បត្តិ សំបូរ ហៅរ៉េម ភេទប្រុស អាយុ២៦ឆ្នាំ ស្នាក់នៅភូមិថ្មដា សង្កាត់កន្ទោក ខណ្ឌពោធិ៍សែនជ័យ។ ២៖ ឈ្មោះ ប៊ុន ឌីណា ហៅពៅ ភេទប្រុស អាយុ២៨ឆ្នាំ ស្នាក់នៅផ្ទះលេខ៤៨៥ ក្រុម១៥ ភូមិភ្នៀត សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។ ៣៖ ឈ្មោះ រឿន ចិត្ត ហៅវិចិត្ត ភេទប្រុស អាយុ២៧ឆ្នាំ ស្នាក់នៅផ្ទះលេខ៤៨៥ ក្រុម១៥ ភូមិភ្នៀត សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។ ៤៖ ឈ្មោះ យ៉ុង ស្រីណេ ហៅអាណេ ភេទស្រី អាយុ១៦ឆ្នាំ ស្នាក់នៅបន្ទប់ជួល ក្រោយផ្សារស្ទឹងមានជ័យ ផ្លូវបេតុង សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ ៥៖ ឈ្មោះ ឌុច ចាន់ឌី ហៅស្នា ភេទប្រុស អាយុ២៤ឆ្នាំ ស្នាក់នៅបន្ទប់ជួល សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ហើយ ត្រូវបានកម្លាំងសមត្ថកិច្ចជំនាញ បញ្ជូនទៅការិយាល័យ ដើម្បីអនុវត្តតាមនីតិវិធី៕ ដោយ៖បញ្ញាស័ក្តិ