តាម CBS News នៅថ្ងៃទី ១១ ខែឧសភា (ម៉ោងតំបន់) មានករណីផ្ទុះអាវុធមួយ បានកើតឡើងនៅសាលាមធ្យមសិក្សា Highland នៅទីក្រុង Palmdale ចំណុះរដ្ឋកាលីហ្វ័រនីញ៉ា អាមេរិក ។
ប៉ូលិសមានវត្តមាននៅកន្លែងកើតហេតុ ។
ប្រភពខាងលើឲ្យដឹងទៀតថា ប៉ូលិសបានមានវត្តមានភ្លាមៗនៅកន្លែងកើតហេតុ ។ ប៉ុន្តែអ្នកនាំពាក្យកងកម្លាំងប៉ូលិសមណ្ឌល Los Angeles ពុំទាន់បញ្ជាក់ពីព័ត៌មាននេះនៅឡើយទេ ។
គួររំលឹកថា ករណីផ្ទុះអាវុធថ្មីបំផុតនៅអាមេរិក កើតឡើងនៅថ្ងៃទី ២២ ខែមេសា កន្លងមក នាហាង Waffle House ជិតទីក្រុង Nashville នៃរដ្ឋ Tenesee បណ្តាលឲ្យមនុស្សយ៉ាងតិច ៣នាក់ស្លាប់ រីឯច្រើននាក់ទៀតរងរបួស ៕