ប្រភពពី Sputnik ឲ្យដឹងថា នៅថ្ងៃទី ១១ ខែឧសភា ប្រព័ន្ធផ្សព្វផ្សាយជប៉ុន បានដកស្រង់បណ្តាប្រភពព័ត៌មានពីរដ្ឋាភិបាលអាមេរិក ឲ្យដឹងថា ប្រធានរដ្ឋចិន ស៊ី ជិនពៀន អាចនឹងចូលរួមក្នុងជំនួបកំពូលរវាងប្រធានាធិបតីអាមេរិក Donald Trump នឹងមេដឹកនាំកូរ៉េខាងជើង គីម ជុងអ៊ុន ។
ប្រធានរដ្ឋចិន ស៊ីជិនពៀន
ឆ្លើយនឹងកាសែត Mainichi Shimbun របស់ជប៉ុន ប្រភពព័ត៌មានពីក្រុមប្រឹក្សាសន្តិសុខជាតិអាមេរិកឲ្យដឹងថា “មានលទ្ធភាព” ដែលប្រធានស៊ីជិនពៀន នឹងមានវត្តមានក្នុងជំនួបខាងលើ ។
នៅថ្ងៃទី ១០ ខែឧសភា ប្រធានាធិបតី Trump ប្រកាសពីជំនួបកំពូលជាមួយមេដឹកនាំ គីម ជុងអ៊ុន នឹងប្រព្រឹត្តទៅនៅថ្ងៃទី ១២ ខែមិថុនា នាប្រទេសសិង្ហបុរី៕ សូយន