យុវតីម្នាក់នៅក្នុងប្រទេសឥណ្ឌា ត្រូវបានជនសង្ស័យចាប់រំលោភ និងដុតទាំងរស់ ដែលនាងគឺជាជនរងគ្រោះទី ៣ ហើយក្នុងរយៈពេលមួយសប្តាហ៍នេះ។ នេះបើតាមការចេញផ្សាយរបស់ BBC នៅថ្ងៃសៅរិ៍នេះ។
ក្មេងស្រីឥណ្ឌានោះមានអាយុ ១៦ឆ្នាំ។ នាងបានស្លាប់ ក្រោយពេលត្រូវជនសង្ស័យចាក់សាំងដុតទាំងរស់នៅផ្ទះរបស់នាង ស្ថិតក្នុងស្រុក Sagar នៃរដ្ឋ Madhya Pradesh។
ប៉ូលីសបញ្ជាក់ថា នាងត្រូវបានគេសម្លាប់ដោយដុតទាំងរស់ ក្រោយពេលនាងបានប្រាប់ជនសង្ស័យថានាងនឹងប្រាប់រឿងចាប់រំលោភនោះទៅដល់គ្រួសាររបស់នាង។
ចំនែកករណីស្រដៀងគ្នា ២ករណីទៀតកើតឡើងនៅរដ្ឋ Jharkhand ក្នុងសប្តាហ៍នេះ ដែលជនរងគ្រោះម្នាក់ ត្រូវបានគេដុតសម្លាប់ដែរ និងម្នាក់ទៀតរងរបួសធ្ងន់។
ក្មេងស្រីវ័យ ១៧ដែលរងរបួស កំពុងស្ថិតក្នុងស្ថានភាពធ្ងន់ធ្ងរ ក្រោយពេលជនសង្ស័យបានចាក់សាំងដុតនាង ដោយសារជនសង្ស័យបាននិយាយថា គេចង់រៀបការជាមួយនឹង ប៉ុន្តែត្រូវនាងបដិសេធ។
ករណីទី ១ គឺកើតឡើងចំពោះក្មេងស្រីអាយុ ១៦ឆ្នាំ ដែលត្រូវគេដុតសម្លាប់ទាំងរស់ ក្រោយពេលឪពុកម្តាយរបស់នាងបានប្រាប់ដល់អ្នកភូមិពីករណីចាប់រំលោភលើកូនស្រីរបស់ពួកគេ។
ជនសង្ស័យត្រូវបានគេបញ្ជាឲ្យធ្វើការអាហ្វង់ និងពិន័យជាប្រាក់ ដែលការពិន័យនេះ បណ្តាលឲ្យជនសង្ស័យវាយលើឪពុកម្តាយជនរងគ្រោះ ព្រមទាំងសម្លាប់នាងផងដែរ។ នៅពេលកើតហេតុនាងនៅផ្ទះតែម្នាក់ឯង។
សូមបញ្ជាក់ថា ការរំលោភ រួចសម្លាប់ តែងតែកើតមានជាញឹកញាប់នៅក្នុងប្រទេសឥណ្ឌា ដែលមានប្រជាជនជាង ១១ពាន់លាននាក់នេះ៕ សុភ័ក្ត្រ
