នេះជាខណៈពេលដ៏សែនស្លុតរន្ធត់ជំនួស ដែលគ្រួសារជនជាតិបារាំមួយមានគ្នា៤នាក់ បានរួចផុតអាយុជីវិតទាំងព្រលឹងចុងសក់ ពីការវាយប្រហាររបស់សត្វខ្លា២ក្បាល នៅឯសួនសត្វ Safari ក្នុងប្រទេសហូឡង់ ។
វីដេអូត្រូវបានថតដោយសាក្សីដែលជាភ្ញៀវទេសចរដូចគ្នា បានបង្ហាញឲ្យឃើញគ្រួសារខាងលើនេះ បាននាំគ្នាចុះពីរថយន្តរបស់ពួកគេ ដើម្បីថតទេសភាពផ្សេងៗក្នុងសួនសត្វ ប៉ុន្តែ បន្ទាប់មក ក៏ស្រាប់តែសត្វខ្លា២ ក្នុងចំណោម៣ក្បាលដែលស្ថិតជិតៗនោះ ដេញតាមប្រហារពួកគេតែម្តង ។
វាពិតវេលាដ៏ស្លុតរន្ធត់ជំនួសខ្លាំងណាស់ ខណៈដែលក្មេងស្រី២នាក់ បានរត់ចូលក្នុងរថយន្តមុន ប៉ុន្តែ នៅសល់បុរសម្នាក់ប្រហែលជាកូន និងស្រ្តីម្នាក់ក្នុងដៃមានកូនតូចម្នាក់ ត្រូវប្រឈមនឹងគ្រោះថ្នាក់ចុងក្រោយ ជាមួយសត្វខ្លា២ក្បាល ដែលកំពុងព្យាយាមវាយប្រហារពួកគេ ។ ប៉ុន្តែ ទោះជាយ៉ាងណា វាចាត់ទុកជាសំណាងដ៏ធំហើយ ដែលរាសីរបស់ពួកគេនៅថ្ងៃនោះអាចយកឈ្នះ «អំណាច» ខ្លាទាំងនេះបាន ហើយនាំគ្នាចូលក្នុងរថយន្តដោយសុវត្ថិភាព ។ វាជាមេរៀនមួយ ដែលសង្ឃឹមថា គ្រួសារនេះនឹង «ស្បថ» លែងព្រហើននឹងខណៈពេលដ៏ព្រលឹងចុងសក់នេះទៀត ៕ ចន្ទី
