តាម AP ឲ្យដឹងថា ក្នុងសេចក្តីប្រកាសមួយ នៅថ្ងៃទី ១១ ខែឧសភា កូរ៉េខាងជើង បានសន្យានឹងអង្គការអាកាសចរណ៍ស៊ីវិលអន្តរជាតិ (ICAO) ចំណុះអង្គការសហប្រជាជាតិថា ប្រទេសនេះនឹងពុំអនុវត្តការបាញ់បង្ហោះកាំជ្រួចអន្តរទ្វីប (ICBM) ឬ សាកល្បងកាំជ្រួច ហើយពុំជូនព័ត៌មានជាមុន ព្រោះក្រុងព្យុងយ៉ាងបានសម្រេចរួចរាល់កម្មវិធីអាវុធនុយក្លេអ៊ែរហើយ ។
ការបាញ់កាំជ្រួចសាកល្បងរបស់កូរ៉េខាងជើង ។
ការសន្យានេះត្រូវបានលើកឡើងក្នុងជំនួបរវាងមន្ត្រីកូរ៉េខាងជើង និងតំណាង ICAO នៅព្យុងយ៉ាង ។
ការសន្យានេះអាចជួយឲ្យក្រុមហ៊ុនអាកាសចរណ៍ជាច្រើន អាចប្រើប្រាស់ផ្លូវហោះហើរឆ្លងកាត់ដែនអាកាសកូរ៉េខាងជើង ហើយអាចសន្សំបានពេលវេលា និងប្រេងឥន្ធនៈ ៕ សូយន