ខេត្តព្រះសីហនុ ៖ អភិបាលខេត្តព្រះសីហនុ ឯកឧត្តម យន្ត មីន បានដឹកនាំមន្ត្រីមន្ទីរស្ថាប័នពាក់ព័ន្ធ នៃរដ្ឋបាលខេត្តនេះ ចុះពិនិត្យសំណង់សង់លើដីចំណីព្រែក ក្នុងទំនប់ប៊ុលឌែ មានទីតាំងស្ថិតក្នុងស្រុកព្រៃនប់ ខេត្តព្រះសីហនុ កាលពីព្រឹកថ្ងៃសៅរ៍ ទី១២ ខែឧសភា ឆ្នាំ២០១៨។
ការចុះពិនិត្យសំណង់រោងសង់ពីឈើនៅលើចំណីព្រែកខាងក្នុងទំនប់ប៉ុលឌែ ខាងលើនេះ ធ្វើឡើងក្រោមរូបភាពចិញ្ចឹមត្រីក្នុងព្រែក តាមទំនប់ការពារទឹកប្រៃ ស្ថិតក្នុងភូមិ-ឃុំសំរុង ស្រុកព្រៃនប់ ខេត្តព្រះសីហនុ។
បច្ចុប្បន្ននេះ គេសង្កេតឃើញថា តំបន់បន់ខាងលើ ត្រូវបាន គេកាប់ទន្ទ្រានព្រៃលិចទឹកសង់រោងផ្ទះជាច្រើនកន្លែង ក្រោមរូបភាពចិញ្ចឹមត្រី ក្នុងព្រែក។ ហើយកន្លែងខ្លះទៀត ត្រូវបានបាញ់ថ្នាំចំណាំដើមឈើ ដែលដុះតាមបណ្តោយព្រែកខាងក្នុងទំនប់ការពារទឹកប្រៃជាហូហែរ និងមានលក្ខណៈអនាធិបតេយ្យ៕ ដែន សីមា