ខេត្តព្រះសីហនុ៖ មន្រ្តីនគរបាល និងគណ:កម្មការសុវត្ថិ ភាពចរាចរណ៍ផ្លូវគោក បានបន្តចុះអប់រំប្រជាពលរដ្ឋ ពិសេសយុវជនអំពីច្បាប់ចរាចរណ៍ផ្លូវគោក និងបានចែក
មួកការពារសុវត្ថិភាពចំនួន១០០មួក ជូនប្រជាពលរដ្ឋ ក្នុងឱកាសផ្សព្វផ្សាយច្បាប់ចរាចរណ៍ នៅតាមផ្លូវ សាធារណ: កាលពីព្រឹកថ្ងៃសៅរ៍ ទី១២ ខែឧសភា ឆ្នាំ២០១៨។
លោកឧត្ដមសេនីយ៍ត្រី អ៉ី សុខា ស្នងកនងការរងទទួល បន្ទុកការងារសណ្តាប់ចរាចរណ៍ផ្លូវគោក បានឲ្យដឹងថា នៅព្រឹកថ្ងៃទី១២ ខែឧសភា ឆ្នាំ២០១៨ គណ:កម្មការ សុវត្ថិភាពចរាចរណ៍ផ្លូវគោក ដឹកនាំដោយ លោកជំទាវ មឹន មាណវី រដ្ឋលេខាធិការ និងជាអគ្គលេខាធិការគណៈកម្មការសុវត្ថិភាពចរាចរណ៍ផ្លូវគោក រួមជាមួយអាជ្ញាធរ មានសមត្ថកិច្ចពាក់ព័ន្ធ ខេត្តព្រះសីហនុ បានចុះចែកមួក ការពារសុវត្ថិភាពចំនួន ១០០មួក ជូនប្រជាពលរដ្ឋ ដែលជិះម៉តូតាមផ្លូវ និងសិស្សានុសិស្ស ក្នុងយុទ្ធនាការផ្សព្វផ្សាយច្បាប់ចរាចរណ៍ផ្លូវគោក នៅតាមផ្លូវជាតិលេខ៤ ទល់មុខសាលាបឋមសិក្សាហ៊ុនសែនឃ្លាំងលើ ស្ថិតក្នុងសង្កាត់លេខ១ ក្រុង-ខេត្តព្រះសីហនុ។
លោក អុី សុខា បានឲ្យដឹងថា ក្នុងយុទ្ធនាការចុះផ្សព្វផ្សាយច្បាប់ចរាចរណ៍ផ្លូវគោក កាលពីព្រឹកថ្ងៃទី១២ ខែឧសភា សមត្ថកិច្ច ដែលចុះអនុវត្តច្បាប់ចរាចរណ៍ផ្លូវ គោក បាបានរកឃើញអ្នកបើកបរមិនគោរពច្បាប់ ចរាចរណ៍ និងផាកពិន័យអ្នកបើកម៉ូតូ និងអ្នករួមដំណើរលើម៉ូតូមិនពាក់មួកសុវត្ថិភាពបានចំនួន ៤៧នាក់ផងដែរ៕ ដែន សីមា
