កាលពីព្រឹកថ្ងៃទី១៣ ខែឧសភា ឆ្នាំ២០១៨ ម្សិលមិញនេះ មានករណីដ៏កម្រ និងគួរឲ្យហួសចិត្តបំផុតមួយ បានកើតឡើងនៅស្ថានីយចាក់សាំងមួយកន្លែង ស្ថិតនៅតាមបណ្តោយផ្លូវវេងស្រេង នៅពេលដែលរថយន្ត HIGHLANDER ១គ្រឿង បានចូលចាក់សាំង ប៉ុន្តែ មានគំនិតអាក្រក់មិនឲ្យលុយគេ ដោយបើករថយន្តដាក់មេប្រូចគេចខ្លួនបាត់តែម្តង បន្ទាប់ពីចាក់សាំងរួច ។
យ៉ាងណាមិញ ទាក់ទងនឹងរឿងរ៉ាវគួរឲ្យភ្ញាក់ផ្អើលនេះផងដែរ ផេក«ឃ្លាំងលក់រថយន្ត 333» ក៏បានសរសេរសារមួយបញ្ជាក់បន្ថែមថា៖ «ឡានចាក់សាំងមិនឲលុយ នៅស្ថានីយ៍វេងស្រេង!! ព្រឹកនេះ១៣/៥/២០១៨ វេលា ៧:៤០នាទី។ សូមជូនជាដំណឹង និង ជួយយើងខ្ញុំក្នុងការតាមចាប់ជនកំហូចនេះផង! សូមអរគុណ! ស្លាកលេខ ភ្នំពេញ-2AR 6513 សូមជួយlike and share ផង …016431666» ។
ទន្ទឹមនោះផងដែរ ក៏មានអ្នកប្រើប្រាស់អ៊ីនធើរណេតបានចូលខមិនយ៉ាងច្រើន ដោយមនុស្សភាគច្រើនបានជេរប្រមាថដូចជា៖ «អូយ អាថោកនេះ បើគេរកឃើញ មិនដឹងជាយកមុខទៅទុកនៅកន្លែណាទេ ថោកលំដាប់ ISO,….» ៕ ចន្ទី
ខាងក្រោមនេះជាមតិយោបល់ក្តៅ និងត្រជាក់ផ្សេងៗ ពីអ្នកលេងហ្វេសប៊ុក៖
