រឿងរ៉ាវបង្កការរិះគន់ដ៏ក្តៅគគុក កាលពីម្សិលមិញ (១៣ ឧសភា) នៅលើបណ្តាញសង្គមហ្វេសប៊ុក ទាក់ទងនឹងរថយន្ត១គ្រឿងម៉ាកហាយឡិនឌ័រ ព័ណ៌ទឹកប្រាក់ ចូលចាក់សាំងនៅស្ថានីយ៍មួយ (ជាប់ផ្សារកាណាស៊ីធី) តាមបណ្តោយផ្លូវវេងស្រេង តម្លៃសាំង ៥០ដុល្លារ ប៉ុន្តែ បានមានគំនិតខូចចាក់រួចបើកឡានចេញទៅយ៉ាងលឿន ដោយមិនឲ្យលុយគេ ឥឡូវនេះ ស្គាល់អត្តសញ្ញាណជាបណ្តើរៗហើយ ដោយតាមរយៈការស៊ើបអង្កេតស្លាកលេខ នោះជាហ៊ានដំបូងត្រូវបានដឹងថា រថយន្ត ពាក់ស្លាកលេខ ២ AR 65 13 គឺជាកម្មសិទ្ធ ក្រុមហ៊ុន ឆាយ លីស រ៉យ៉ាល់ លីស៊ីង មានទីតាំង ស្ថិតនៅតាម ផ្លូវនរោត្តម ភូមិ ១ សង្កាត់ទន្លេបាសាក់ ខណ្ឌចំកាមន ជាឡានទិញបង់រំលស់។
យោងតាមគណនីហ្វេសបុកលោកពូដំរីស លោកបានបង្ហោះកាលពីយប់មិញ ជាមួយខ្លឹមសារសរសេរយ៉ាងដូច្នេះថា៖ «ជួយឈឺឆ្អាល បន្តិចចុះ ដើម្បីកុំអោយជននេះបានចិត្ត កុំអោយមានសកម្មភាពបែបនេះតទៅទៀត អ្នកដែលត្រូវអាណិតគឺបុគ្គលិកជាអ្នកលក់ ដែលត្រូវរងគ្រោះ ដោយថៅកែ កាត់ប្រាក់ខែ។ វាអាចមើលស្រាលដល់សមត្ថកិច្ចទៀតក៏ថាបាន…ឡាននេះទិញបង់រំលស់» ៕ ចន្ទី