សកម្មភាពដាក់ទណ្ឌកម្មសិស្ស របស់អ្នកគ្រូម្នាក់នៅក្នុងប្រទេសវៀតណាម បានធ្វើឲ្យមនុស្សជាច្រើនបានឃើញ ហើយនឹកដល់គ្រាឈឺចាប់វ័យសិក្សាថ្នាក់បឋម ឬ អនុវិទ្យាល័យ បន្ទាប់ពីវីដេអូដ៏ញាក់សាច់មួយរបស់អ្នកគ្រូរូបនេះ ត្រូវបានបង្ហោះឡើងលើប្រព័ន្ធផ្សព្វផ្សាយសង្គម បង្ហាញអ្នកគ្រូដាក់ទណ្ឌកម្មទៅលើកូនសិស្សប្រុសស្រីរបស់ខ្លួនយ៉ាងធ្ងន់ៗដៃ ធ្វើឲ្យពួកគេម្នាក់ៗស្រែកឈឺចាប់មិនស្ទើរ ។
វីដេអូនៃហេតុការណ៍នេះ ត្រូវបានដឹងថាថតដោយកូនសិស្សម្នាក់ ដែលបន្ទាប់មកបានសម្រេចបង្ហោះលើបណ្តាញសង្គម ។ យ៉ាងណាមិញ ទាក់ទងនឹងការដាក់ទណ្ឌកម្មដ៏ញាក់សាច់នេះផងដែរ ត្រូវបានគេជឿថា កូនសិស្សទាំងនោះប្រហែលបរាជ័យក្នុងការធ្វើលំហាត់ដែលអ្នកគ្រូដាក់ឲ្យ ដែលជាហេតុធ្វើឲ្យអ្នកគ្រូចុចឈ្មោះហៅឡើងក្តារខៀន រួចដាក់ទណ្ឌកម្មទៅតាមចំនួនធ្វើលំហាត់ខុសក្នុងម្នាក់ៗយ៉ាងដូច្នេះ ។
ទោះយ៉ាងណា ការដាក់ទណ្ឌកម្មចង់ឲ្យសិស្សចេះនេះ ពុំមែនជាអំពើហិង្សាធ្ងន់ធ្ងរនោះទេ ព្រោះថានៅចំណុចខ្លះ ក៏ឃើញកូនសិស្សខ្លះដែលឈឺទ្រាំពុំបាន បែរត្រឡប់តវ៉ាចង់ចាប់រំពាត់អ្នកគ្រូ ក្នុងលក្ខណៈសើចទៀតផង ហើយអ្នកគ្រូវិញក៏អាចមើលឃើញហាក់ចង់សើចនឹងប្រតិកម្មរបស់កូនសិស្សផងដែរ ៕
ចុះប្រិយមិត្តវិញ ដែលធ្លាប់លោកគ្រូអ្នកគ្រូវ៉ៃអីចឹងដែរ ឬទេ កាលនៅរៀនវ័យកុមារ?
