ទោះបីជាវីដេអូនេះ បានកន្លងផុតទៅជាច្រើនខែក្តី តែវានៅតែទទួលការចាប់អារម្មណ៍ និងត្រូវបានចែករំលែកតៗគ្នាជាថ្មីម្តងទៀតយ៉ាងផុសផុល នៅលើបណ្តាញសង្គមហ្វេសប៊ុក ។ ដែលវីដេអូនេះ បានបង្ហាញឲ្យឃើញបុរសជាស្វាមីមានទឹកចិត្តស្រលាញ់ភរិយាដ៏ល្អម្នាក់ បានស្ម័គ្របណ្តើរម៉ូតូ (មិនដឹងថាខូច ឬក៏អស់សាំងទេ) ហាក់គ្មានរុញរាឡើយ ខណៈឲ្យប្រពន្ធពោះធំជិតគ្រប់បន្តជិះលើម៉ូតូ ទាំងអាកាសមេឃរលឹមស្រិចៗ ក្រោមផ្ទៃមេឃរៀបបិទបាំងដោយស្បៃអន្ធកាលទៅហើយ ។
យ៉ាងណាមិញ ទិដ្ឋភាពដ៏គួរឲ្យរំជួលចិត្តរបស់ប្តីប្រពន្ធនេះ ត្រូវបានគេជឿថា ពួកគាត់ប្រហែលទំនងទើបចេញពីកន្លែងធ្វើការម្តុំណាមួយ នៅក្នុងទីក្រុងភ្នំពេញ ។
ទង្វើដ៏ល្អនេះ ត្រូវបានបុរសម្នាក់ដែលបើករថយន្តថតពីក្រោយ បាននិយាយថា៖ «នេះជាទឹកចិត្តស្វាមីបណ្តើរម៉ូតូ ដែលអស់សាំង ហើយសុខចិត្តឲ្យប្រពន្ធមានផ្ទៃពោះជិះលើម៉ូតូ ហើយខ្លួនឯងបណ្តើរប្រពន្ធ ។ នេះគឺជាស្វាមីដ៏ល្អ នៅលើលោកនេះប្រហែលជាពុំមានច្រើនទេមើលទៅ!!» ៕ ចន្ទី
