ឧត្តរមានជ័យ ៖ គ្រោះថ្នាក់ចរាចររវាងរថយន្តបុកជាមួយម៉ូតូ ក្នុងទិសដៅបញ្ច្រសគ្នា បណ្តាលឲ្យមនុស្សប្រុស-ស្រី៤នាក់ បានស្លាប់ភ្លាមៗនៅហ្នឹងកន្លែងកើតហេតុ នៅថ្ងៃទី១៤ ខែឧសភា ឆ្នាំ២០១៨ វេលាម៉ោង១២និង៣០នាទី នៅលើកំណាត់ផ្លូវជាតិលេខ ៦៨ ចន្លោះគីឡូម៉ែត្រលេខ៧៩-៨០ ស្ថិតក្នុងភូមិកណ្តែក សង្កាត់សំរោង ក្រុងសំរោង ខេត្តឧត្តរមានជ័យ។
មន្ត្រីនគរបាលខេត្តឧត្តរមានជ័យ បានឱ្យដឹងថា អ្នកបើករថយន្តបង្ក ឈ្មោះស្រីម វី ភេទ ប្រុស អាយុ ៣១ឆ្នាំ រស់នៅភូមិព្រែកយួន ឃុំកៀនជ្រៃ ស្រុកកំពង់សៀម ខេត្តកំពង់ចាម គ្មានរបួស។ ចំណែកអ្នកបើកម៉ូតូ និងអ្នករួមដំណើរ៤នាក់ ដែលស្លាប់ ពុំទាន់ស្គាល់អត្តសញ្ញាណនៅឡើយទេ ដោយកំពុងស្រាវជ្រាវរកអត្តសញ្ញា។ ប្រភពដដែលបន្តថា មូលហេតុរថយន្តបើកបរក្នុងល្បឿនលឿន ៕ ដោយ ៖ បញ្ញាស័ក្តិ
