ព្រៃវែង ៖ កម្លាំងអន្តរាគមន៍ អធិការរដ្ឋាននគរបាលស្រុក ស្វាយអន្ទរ សហការជាមួយ កម្លាំងប៉ុស្តិ៍រដ្ឋបាល ស្វាយអន្ទរ បានធ្វើការឃាត់ខ្លួនជនសង្ស័យចំនួន ២នាក់ ពាក់ព័ន្ធ ករណីលួចរថយន្ត នៅព្រឹកថ្ងៃចន្ទ ទី ១៤ ឧសភា ២០១៨ វេលាម៉ោង១៨និង ៤០នាទីនៅចំណុចរង្វង់មូលស្វាយអន្ទរ ដែលបានធ្វើសកម្មភាពលួចរថយន្តពីចំណុចផ្លូវជាតិលេខ ៣ ក្នុងស្រុកកណ្តាលស្ទឹង ខេត្តកណ្តាល ។
កម្លាំងនៃអធិការដ្ឋាននគរបាលស្រុកស្វាយអន្ទរ បានឲ្យដឹងថា ជនសង្ស័យពីនាក់ ពាក់ព័ន្ធ ករណីលួចរថយន្ត គឺ រថយន្តម៉ាក Toyota Tacoma ពណ៌ស្ករ ឆ្នាំផលិត ១៩៩៦ ដែលមានម្ចាស់ឈ្មោះ វ៉ាន់ សុភ័ក្រ ភេទប្រុស អាយុ ៣៣ឆ្នាំ នៅភូមិ តាកុច ឃុំដើមឫស្ស ស្រុកកណ្តាលស្ទឹង ខេត្តកណ្តាល ។
ជនសង្ស័យទាំងពីនាក់ មានឈ្មោះ ១- ឈ្មោះ រិទ្ធ ធារ៉ា ភេទ ប្រុស អាយុ ៣៩ឆ្នាំ ស្នាក់នៅផ្ទះជួលម្តុំ កាណាឌីយ៉ា មុខរបរ (មិនពិតប្រាកដ) ២. រ៉ា ប៊ុនរឹទ្ធ ភេទ ប្រុស អាយុ ៣៧ឆ្នាំ នៅភូមិស្លាកែត ឃុំស្លាកែត ស្រុកកៀនស្វាយ ខេត្តកណ្តាល មុខរបរ មិនពិតប្រាកដ ។ ជនសង្ស័យទាំងពីរនាក់នេះ បន្ទាប់ពីបានលួចរថយន្ត តូយ៉ូតា តាកូមា ប្រភេទដឹកទំនិញ ពណ៌ប្រផេះ ស្លាកលេខ ភ្នំពេញ 2D0879 បានហើយជនសង្ស័យទាំង ២នាក់ បានដោះស្លាកលេខពិតចេញ ហើយដាក់ស្លាកលេខក្លែងក្លាយ កំពង់ឆ្នាំង 2A1030ហើយជិះគេចខ្លួនទៅខេត្តព្រៃវែង។ ជនសង្ស័យទាំងពីរនាក់ បាននាំខ្លួនមកអធិការរដ្ឋានដើម្បីសាកសួរនិងបំពេញនីតិវិធី ៕ ដោយ៖បញ្ញាស័ក្តិ
