វីដេអូមួយបានកំពុងល្បីយ៉ាងខ្លាំងនៅលើបណ្តាញសង្គម ដែលបានបង្ហាញឲ្យឃើញបុរសវ័យចំណាស់ ដែលគេស្គាល់ថាមានតួនាទីជាប្រធានមន្ទីរមួយរូប បានចូលផឹកស៊ីនៅហាងខារ៉ាអូខេមួយកន្លែង ប៉ុន្តែ ដល់ពេល «ចរចា» ឬ ក៏ពុំពេញចិត្តរឿងអ្វីមួយនឹងគ្នា… ក៏ផ្ទុះកំហឹងនឹងនារីបម្រើសេចក្តីសប្បាយរបស់ខ្លួន និងបានចេញខាងក្រៅ និយាយទាំងស្រវឹងទ្រេងត្រាងចង់បាញ់បោះទៀតផង ។
យ៉ាងណាមិញ សកម្មភាពនិយាយក្អេងក្អាងមិនគួរគប្បីរបស់បុរសមានឋានៈខ្ពង់ខ្ពស់ម្នាក់នេះ ដែលហាក់ដូចនៅក្នុងហាងខារ៉ាអូខេគ្រានោះ មានតែខ្លួនឯងម្នាក់គត់ដែលមានឥទ្ធិពលបំផុត បានធ្វើឲ្យមនុស្សជាច្រើនរិះគន់យ៉ាងចាស់ដៃតែម្តង ។ ដែលក្នុងនោះ អ្នកខមិនបាននិយាយដាក់ឲ្យកប់ៗដូចជាថា៖
«ខ្លួនចាស់មិនដឹងចាស់ ដៀលគេសុទ្ធតែស្រីថោកទាបពេញៗមាត់ ហើយចុះលោកពូប្រធានមន្ទីទៅរកគេហ្នឹងមិចវិញ មិនរិតតែថោបទាបទេអី☺», «អាងខ្លួនឯងមានលុយមែន គេស្រីខារ៉ាអូខេនឹង មិនមែនមនុស្សមែន ពូឯងកើតមកពីដុំដីមែនបាន ជេមនុស្សស្រី កប់ៗមាត់ គ្មានអ្នកអ្នកណាចង់ធ្វើការបែប នឹងតែជីវភាពបង្ខំ ពូអាងអីអាងបាញ់ ស្រុកខ្មែរអត់ច្បាប់មែនអោយពូបាញ់សេរីនឹង», «ថាគេថោក ចុះលោកឯងរកកន្លែងថោកធ្វើអី ចាស់ចំណាស់នេះហើយគួរតែគិតថា ប្រពន្ធកូនក៍ជាស្រីដែរដេកចាំលោកប្តីបាយទឹកជាមួយដែលគិតអារម្មណ៏មួយនេះទេ», «អ្នកធ្វើការធំ ក៏មិនប្រាកដថាមាន ក្រមសីលធម៌ដែរ» ហើយអាមនុស្សប្រភេទចារឹកធូរថ្លៃចឹង គឺមានច្រើនម៉ងក្នុងសង្គមឥឡូវនេះ», «ចាំមើលស្វាងហើយឃើញវីដេអូនឹងភ័យខ្លួនហើយពូ, …..» ៕ ចន្ទី
