ស្ត្រីម្នាក់មកពីអង់គ្លេស បានត្រូវគេដាក់ថ្នាំរួចធ្វើការរំលោភជាសមូហភាពដោយបុរសរាប់សិបនាក់ ពេលដែលនាងទៅសម្រាកកម្សាន្តនៅអ៊ីតាលី ។
តាម Daily Star ស្ត្រីមានវ័យ ៥០ឆ្នាំ ដែលគេលាក់អត្តសញ្ញាណបានត្រូវក្រុមជនល្មើសលួចដាក់ថ្នាំ “ប្រភេទឱសថសម្រើប ” ទៅក្នុងភេសជ្ជៈដោយជនល្មោភកាម ២រូប ប្រកបរបរលាយស្រានៅក្លឹបកម្សាន្តរាត្រីមួយនៅ Sorrento ។
តំបន់កម្សាន្តដែលស្ត្រីអង់គ្លេសរងការរំលោភជាសមូហភាព ។
ប្រភពព័ត៌មានពីប៉ូលិសឲ្យដឹងថា ក្រោយពេលត្រូវថ្នាំស្ត្រីរូបនេះត្រូវបានបុរស ២នាក់ ខាងលើនាំទៅកាន់បន្ទប់រួចនាំគ្នារំលោភ បន្ទាប់មកជនល្មើសទាំងពីរបានហៅគ្នីគ្នា ៣នាក់ទៀតទៅរំលោភមួយផ្សេង ។ លើសពីនេះទៅទៀតពួកវានៅបានថតរូបទង្វើថោកទាបរបស់ខ្លួន រួចបង្ហោះឡើងលើបណ្តាញសង្គម ។
តាមកាសែត La Repubblica ជនល្មើសទាំង ៥នាក់ ត្រូវបានចាប់ខ្លួន ប៉ុន្តែប៉ូលិសមានតម្រុយ និងជឿជាក់ថា ជនល្មើសដែលចូលរួមរំលោភនាងមានដល់ទៅរាប់សិបនាក់ ឯណោះ។
ក្រោយពេលហេតុការណ៍កើតឡើង ស្ត្រីរូបនេះ បានវិលទៅប្រទេសអង់គ្លេសវិញ រួចធ្វើការប្តឹងប្តល់ពីករណីខាងលើទៅកាន់ប៉ូលិសអង់គ្លេស ។
ប៉ូលិសអង់គ្លេស បានទាក់ទងជាមួយនឹងប៉ូលិសអ៊ីតាលី និងស្ថាប័នច្បាប់នាប្រទេសនេះ ដើម្បីបើកការស៊ើបអង្កេត ។ គំរូ DNA ធ្លាក់ទៅលើបុរស៥នាក់ ដែលធ្វើការនៅតំបន់កម្សាន្តនោះ ពួកវាត្រូវបានចាប់ខ្លួនក្នុងការឆ្មក់ចូលកាលពីថ្ងៃទី ១៤ ខែឧសភា ។
ប៉ូលិសបញ្ជាក់ថា ជនល្មើសគឺជាបុគ្គលិកក្លឹបកម្សាន្ត បុគ្គលិកសណ្ឋាគារ រួមទាំងអ្នកដែលបានឈប់ធ្វើការ ។ ជនល្មើសបានត្រូវកំណត់អត្តសញ្ញាណអាស្រ័យដោយរូបភាពមួយសន្លឹកត្រូវបានជនរងគ្រោះថត មុនពេលផឹកស្រាជាមួយជនល្មោភកាមទាំងនោះ ។ ជនរងគ្រោះក៏បានបញ្ជាក់តម្រុយដើម្បីចាប់ខ្លួនជនល្មើសម្នាក់ទៀត ដោយវាមានរូបសាក់នៅលើក ។
ការស៊ើបអង្កេតកំពុងដំណើរការបន្ត ។ នេះជាមេរៀនមួយចំពោះបងប្អូននារីខ្មែរ ទៅទេសចរណ៍បរទេសគប្បីប្រុងប្រយ័ត្ន ៕ សូយន