ករណីនារីវ័យក្មេងរូបស្អាតបម្រើការនៅកាស៊ីណូក្រុងបាវិត ដែលត្រូវបានអ្នករត់តាក់ស៊ីល្មោភកាម២នាក់ ផ្សំគំនិតគ្នាដឹកយកទៅរំលោភបូក និងសម្លាប់យ៉ាងសាហាវព្រៃ បានធ្វើឲ្យមហាជននៅទូទាំងប្រទេសកម្ពុជា រន្ធត់ចិត្ត និងថ្កោលទោសយ៉ាងខ្លាំងក្លាបំផុត កាលពីអំឡុងខែសីហា ឆ្នាំ២០១៧ ។ ប៉ុន្តែ ឥឡូវនេះ សាច់ញាតិនារីគ្រោះអំពាវនាវដល់ថ្នាក់លើ ជួយរកយុត្តធម៌ហើយ ព្រោះតែ… ។
យោងតាមអាខោនហ្វេសប៊ុកឈ្មោះ «បង រី» ដែលជាសាច់ញាតិម្នាក់បានបង្ហោះសារដ៏ឈឺចាប់ រួមជាមួយរូបថតសំណេរផ្សេងៗទាក់ទងនឹងករណីអំពើឃាតកម្មទៅលើប្អូនស្រីរងគ្រោះ យ៉ាងដូច្នេះថា៖ «សម្ដេច អគ្គមហាសេនាបតីតេជេា ហ៊ុនសែន នាយរដ្ឋមន្ដ្រី នៃព្រះរាជាណចក្រកម្ពជា គ្រួសារខ្ញុំបាទមានទុក្ខយ៉ាងធំ អង្វរសុំអេាយ សម្ដេច ជួយ??? 02.08.2017 ក្មួយស្រីខ្ញុំបានជិះតាក់សុីពី ព្រះវិហា ទៅធ្វេីការនៅក្រុងបាវិត ហេីយត្រូវបានអ្នកបេីកតាក់សុី រំលេាបសំលាប់យ៉ាងព្រៃផ្សៃ 08.08.2017 សមត្តកិច្ចខេត្តស្វាយរៀងបានចាប់បាននាក់បេីកតាក់សីុ2នាក់ ទី1ឈ្មេាះ ផ្លេក សូនី ហៅមន្នី មានអាយុ32ឆ្នាំ ទី2ឈ្មោះ ឆឺយ សុជាតិ មានអាយុ36ឆ្នាំ មកដល់ពេលនេះ17.05.2018 គឺ10ខែហេីយតុលាកាខេត្តស្វាយរៀងនៅមិនទាន់កាត់ទោសវាទេ ហេីយអ្វីដែលសំខាន់នោះ រយន្ដLexus300 2AL4238ដែលត្រូវជារបស់ឈ្មោះផ្លេក សូនីហៅមន្នីនេះ ពេលនេះត្រូវបានគេដកយកទៅលក់បាត់ហេីយ មិនត្រឹមតែប៉ុននឹងទេវាបានរកមេធាវី កាពាក្តី មេធាវីខាងឈ្មោះ ផ្លេក សូនី ហៅមន្នីនេះបានសុំពន្យាពេលកាត់ទោសអស់ពីដងហេីយ ដោលេាកមេធាវីវាឆ្លេីយថាភស្តុតាងមិនគ្រប់គ្រាន់
សូម សម្ដេច ជួយរកយុត្តិធម៌ដល់គ្រួសារខ្ញុំផង កុំអោយមនុស្សអាក្រក់ដូចវារួចពីសំណាញ់ច្បាប់អី???។»
គួររំឭកថា នារីឈ្មោះ សុខ ម៉ាលីន អាយុ ១៨ ឆ្នាំ ដែលជិះរថយន្តតាក់ស៊ីពីខេត្តព្រះវិហារ មកខេត្តស្វាយរៀង បានបាត់ការទាក់ទងជាមួយក្រុមគ្រួសារ ហើយបាត់ខ្លួនអស់រយៈពេល២ថ្ងៃ ពោលគឺចាប់ពីថ្ងៃទី២ ដល់ថ្ងៃទី៤ ខែសីហា ឆ្នាំ២០១៧ ទើបត្រូវបានក្មេងឃ្វាលក្របីប្រទះឃើញសាកសពអណ្តែតទឹកក្នុងស្រែ ស្ថិតក្នុងភូមិតាពៅ សង្កាត់បាវិត ក្រុងបាវិត ខេត្តស្វាយរៀង បន្ទាប់ពីត្រូវបានអ្នករត់តាក់ស៊ីល្មោភកាម២នាក់ ផ្សំគំនិតគ្នាដឹកនាំយកទៅរំលោភ រួចសម្លាប់ចោល ៕ ចន្ទី