ទោះបីដៃទាំង២ត្រូវពិការមិនអាចប្រើការបាន តែស្ត្រីជនជាតិចិនម្នាក់នេះ នៅតែអាចមើលថែទាំប្តីចំណាស់ទន់ខ្សោយរបស់គាត់បានយ៉ាងល្អ និងធ្វើការងារមេផ្ទះដូចជា៖ ចម្អិនអាហារ, បោកគក់, ដេរប៉ះ… បានដូចនឹងស្ត្រីមានកាយសម្បទាពេញលេញដទៃទៀតផងដែរ ។
អ្នកស្រី Bai Aixiang រស់នៅជាមួយស្វាមីគឺលោក Ma Wanwa នៅទីក្រុង Yin Chuan តំបន់ស្វយ័ត Ningxia ប្រទេសចិន ។ នៅអាយុ ១២ ឆ្នាំ អ្នកស្រីកើតជំងឺស្វិតដៃជើង ធ្វើឲ្យដៃទាំងពីរត្រូវពិការទាំងស្រុង ។ នៅអាយុ ២៨ ឆ្នាំ អ្នកស្រីបានរៀបការ និងរៀនវិធីប្រើជើងជំនួសដៃ ដើម្បីធ្វើកិច្ចការទាំងអស់ក្នុងផ្ទះ ។ អ្នកស្រីប្រើជើងយ៉ាងស្ទាត់ជំនាញ សូម្បីតែការកោរសក់ឲ្យស្វាមី, កក់សក់, បញ្ចុកអាហារ ។
បច្ចុប្បន្ន អ្នកស្រីមានអាយុ ៤៩ ឆ្នាំ ចំណែកស្វាមីគាត់មានអាយុ ៧០ ឆ្នាំ ហើយ ៕