នេះជាវីដេអូដ៏រន្ធត់មួយ ដែលអ្នកប្រើប្រាស់បណ្តាញសង្គមហ្វេសប៊ុកជាច្រើន បានសម្តែងនូវក្តីអាណិតអាសូរ និងស្រៀវពោះជំនួសជាខ្លាំង ខណៈដែលព្រូឡានដ៏កំសត់ម្នាក់ ត្រូវអង្គុយតោងនៅលើចង្អើប៉ផិតប៉ផើយនៃគូទរថយន្តរត់ឈ្នួលនៃថៅកែរបស់ខ្លួន ស្ថិតក្នុងស្ថានភាពដ៏គ្រោះថ្នាក់បែបនេះ ។
បុរសជាព្រូឡាននេះ ត្រូវបានគេមើលឃើញថា កំពុងអង្គុយយ៉ាងស្រគត់ស្រគុំ ដោយអង្គុយខាងក្រោយគូទរថយន្តក្នុងអារម្មណ៍ផ្សងនឹងគ្រោះថ្នាក់ ព្រោះថា គាត់កំពុងស្ថិតនៅទីកន្លែងមួយដែលពុំអាចមើលឃើញអ្វីកើតឡើងនៅខាងមុខបាននោះទេ ។
បើតាមបងប្រុសម្នាក់ដែលបានថតទិដ្ឋភាពដ៏គួរស្រៀវពោះនេះ បានបង្ហោះវីដេអូ រួមជាមួយការបញ្ចេញយោបល់ថា៖ «ជិវិតអ្នកហៅម៉ោយ ឬ ព្រួលឡាន មើលហើយអាណិតគាត់ណាស់ សូមបងៗម្ចាស់ឡាន តាក់សុីសុំជួយមើលការពារជិវិតគាត់ផង??????««« ក្រោមមេឃតែមួយ តែវាសនាខុសគ្នា »»»?????”» ៕ ចន្ទី