កងទ័ពអេហ្ស៊ីបបានប្រើរថយន្តដើម្បីរាំងស្កាត់រថយន្តអត្តឃាតមួយដែលផ្ទុករំសេវ ១០០ គីឡូក្រាម នៅប៉ុស្តិ៍ត្រូតពិនិត្យសន្តិសុខនៅខេត្ត Sinai ខាងជើង សង្គ្រោះមនុស្ស ៥០នាក់ឲ្យរួចផុតពីការស្លាប់ ។
ខ្សែវីដេអូផ្តិតយកបានទិដ្ឋភាពនេះ ទើបត្រូវបាន Daily Mail បង្ហោះផ្សាយ ។ វាជាហេតុការណ៍បានកើតឡើងតាំងពីខែកក្កដា ឆ្នាំ ២០១៧ ខណៈពេលទទួលបានព័ត៌មានថា រថយន្តអត្តឃាតមួយមានផ្ទុករំសេវ ១០០ គីឡូក្រាម ព្រមទាំងខ្មាន់កាំភ្លើង ៤នាក់ សម្រុកចូលតំបន់ត្រួតពិនិត្យសន្តិសុខ ។
រថក្រោះបានចេញប្រតិបត្តិការភ្លាម ហើយក៏ប្រទះឃើញរថយន្តមួយកំពុងបើកយ៉ាងលឿនសំដៅប៉ុស្តិ៍ត្រួតពិនិត្យ ។ រថក្រោះកងទ័ពអេហ្ស៊ីប ក៏បើកសំដៅ ។
រថក្រោះកងទ័ពអេហ្ស៊ីប បានកិនកម្ទេចរថយន្តដែលផ្ទុករំសេវ ១០០ គីឡូក្រាមនោះ បានទាន់ពេលវេលា។