យុវជនម្នាក់ គិតថា ដើម្បីងាយស្រួលក្នុងការដើរចាប់ក្តាមថ្ម ក៏ស្លៀកតែខោស្លីប រួចដើររកចាប់ក្តាម ។ ស្មានពុំដល់ថា ចៃដន្យក្តាមមួយធំគួរសម បានប្រើដង្កៀបទាំងសងខាងកៀបចំប្រដាប់ភេទ គាត់ស្រែកយ៉ាងខ្លាំង ដើម្បីឲ្យអ្នកទៅជាមួយជួយ ។
អ្នកដែលចូលទៅជួយ ពិតជាមិនដឹងត្រូវសើច ឬត្រូវយំ ព្រោះតែក្តាមកៀបដូច្នេះហើយគាត់នៅរៀបរាប់ស្រែកអស់មួយសន្ទុះធំថា លែងបានយកប្រពន្ធហើយ ។ រីឯក្តាមនេះក៏ក្បាលរឹងទៀត វាពុំព្រមព្រលែងដង្កៀបសោះ ។
ចុងក្រោយ អ្នកជួយសង្គ្រោះត្រូវបង្ខំចិត្តកាច់បំបាក់ដង្កៀប ដើម្បីជួយសង្គ្រោះយុវជននោះ ។
ពីនេះតទៅប្រហែលជាគាត់លែងហ៊ានទៅក្បែរក្តាមអស់មួយជីវិត ៕ ចន្ទ្រា
