វិធីប្រើប្រាស់ក្រូចឆ្មារដោយងាយៗខាងក្រោម នឹងជួយឲ្យអ្នកកម្ចាត់ចោលការខ្វាយខ្វល់ព្រួយបារម្ភចំពោះភាពចំណាស់ ។
១.ការប្រើក្រូចឆ្មារដើម្បីថែទាំស្បែក
ចាប់ផ្តើមឈានចូលមជ្ឈិមវ័យ ស្បែកចាប់ផ្តើមមានស្នាមជ្រីវជ្រួញ ពិសេសស្បែកមុខកន្ទុយភ្នែក ។
យកក្រូចឆ្មារប្រហែល១ផ្លែ ប្រសិនបើស្បែកឡើងប្រេង យក ១/៤ ចំណិត នោះបន្ថែមមួយចំហៀងទៀត តែបើស្បែកស្ងួតយកតែ ១/២ ចំណិត ដាក់ក្នុងចានធ្វើពីឈើ បន្ទាប់មកយកក្រែម (សម្រាប់ធ្វើនំ) កន្លះស្លាបព្រាបាយ និងទឹកដោះគោឆៅកន្លះចានចង្កឹះ កូរឲ្យសព្វដាក់ចូលក្នុងឆ្នាំងដាំឲ្យពុះ រួចទុកឲ្យត្រជាក់ ។ យកដៃរបស់អ្នកជ្រលក់ចូលក្នុងសាធាតុនេះមកលាបលើផ្ទៃមុខ ម៉ាស្សាក្នុងរង្វង់ ២០នាទី ប្រសិនបើសារធាតុនោះវាគោកពេកអាចបន្ថែមប្រេងអូលីវ ២-៣ដំណក់ចូល ម៉ាស្សា ២០នាទី រួចលាងទឹកចេញ ។
២.ក្រូចឆ្មារធ្វើឲ្យស្បែកភ្លឺ
យកក្រូចឆ្មារ ៣-៤ ផ្លែ ច្របាច់ដាក់ក្នុងចានឈើ បន្ទាប់មកយកទឹកក្តៅឧណ្ឌមកដាក់ចូលបន្ថែម ៤-៥ ស្លាបព្រាកាហ្វេ យកសំឡីមកជ្រលក់ ជូតលើមុខទុករយៈពេល ៣០នាទី អ្នកអាចធ្វើមួយថ្ងៃពីរទៅបីដង ប្រសិនបើចង់បានប្រសិទ្ធិភាពខ្ពស់។ វិធីនេះធ្វើសម្រាប់អ្នកមានស្បែកមុខស្រអាប់ និងឡើងជាំ។
៣.ក្រូចឆ្មារធ្វើឲ្យសក់រលោង
ចង់បានសក់រលើបរលោង ក្រោយពេលកក់សក់រួចម្តងៗ គប្បីយកទឹកក្រូចឆ្មារទៅកក់ ម្តងទៀត រួចសម្អាតដោយទឹក។
៤.ក្រូចឆ្មារ “កម្ចាត់សភាពស្បែកមានប្រេង និងមុនខ្សាច់”
ប្រសិនបើស្បែកអ្នកឡើងប្រេង នោះអ្នកនឹងប្រឈមការកើតមុនខ្សាច់ បែបនេះអ្នកគប្បី ប្រើទឹកក្រូចឆ្មារដោយយកសំឡីជ្រលក់ រួចជូតពីលើតំបន់ស្បែកដែលមានប្រេងច្រើន ក៏ដូចជាតំបន់ដែលរងការរាលដាលរបស់មុនខ្សាច់ ។ ព្រោះថា ក្រូចឆ្មារវាមានសមត្ថភាពធ្វើឲ្យរន្ធញើសរួមតូចមកវិញ ។
៥.បង្កើតលាងសម្អាតមុខពីក្រូចឆ្មារ
ក្នុងក្រូចឆ្មារមានផ្ទុក enzymes ម្យ៉ាងមានសមត្ថភាពសម្អាតស្បែក និងកម្ចាត់កោសិកាស្បែកដែលងាប់ ។ ហេតុនេះដោយពុំបាច់ចំណាយច្រើនក្នុងការទិញសារធាតុលាងសំអាតមុខអ្នកអាចប្រើក្រូចឆ្មារដើម្បីបង្កើតវា ។ យកសាច់ជូរបន្តិច ដាក់ចូលជាមួយទឹកក្រូចឆ្មារមួយកំណាត់ រង់ចាំរហូតដល់ពេលសាច់ជូររលាយអស់ អ្នកយកសំឡីមកជ្រលក់ រួចតប់ៗលើស្បែកមុខ រួចរង់ចាំ ២០នាទី ចាំប្រើទឹកក្តៅឧណ្ឌលាងសម្អាត ។
៦.ក្រូចឆ្មារធ្វើឲ្យស្បែកម៉ដ្ឋខៃ
យកចេកណាំវ៉ាមួយផ្លែកិនឲ្យម៉ត់ លាយជាមួយទឹកក្រូចឆ្មារ បន្ទាប់មកយកមកលាបលើស្បែក ទុកពេល ២០នាទី ទើបលាងចេញ។
៧.ក្រូចឆ្មារជួយកម្ចាត់អាចម៍រុយ
ដើម្បីទប់ស្កាត់ពេលឃើញសញ្ញាអាចម៍រុយលើស្បែក នោះអ្នកយកផ្នែកសនៃស៊ុតមួយគ្រាប់ មកលាយទឹកក្រូចឆ្មារកន្លះស្លាបព្រា និងគ្រាប់អាល់ម៉ុង មួយគ្រាប់កិនម៉ត់ រួចលាយជាមួយស៊ុត និងទឹកក្រូចឆ្មារ មកលាបលើតំបន់ដែលមានអាចម៍រុយ លាបរាល់ថ្ងៃនឹងមានប្រសិទ្ធភាព។
៨.ក្រូចឆ្មារជួយទប់ទល់ការជ្រុះសក់
យកទឹកក្រូចឆ្មារ ១ស្លាបព្រា លាយជាមួយប្រេងដូងមួយស្លាបព្រា កូរឲ្យសព្វលាបលើសក់ ទុកប្រមាណ ២០នាទី ទើបលាងទឹក ។
៩.ក្រូចឆ្មារកម្ចាត់អង្គែរ
យកទឹកក្រូចឆ្មារមកលាយជាមួយផ្នែកសនៃស៊ុតមាត់ ហើយលាបឲ្យសព្វពីគល់សក់ដល់ចុងសក់ឲ្យសើមជោគ ទុកប្រមាណ១ម៉ោង បន្ទាប់មកទើបលាងសំអាតនឹងទឹកត្រជាក់ ។
១០.ក្រូចឆ្មារថែទាំរាងកាយ
យកទឹកក្រូចឆ្មារលាយក្នុងបរិមាណស្មើគ្នាជាមួយទឹកប៉េងប៉ោះ (ប៉េងប៉ោះកៀបត្រងយកតែទឹក) ហើយយកកន្សែងមកជ្រលក់ជូតពេញដងខ្លួន ទុកមួយសន្ទុះ ប្រមាណពី ១០-២០នាទី ទើបងូតសម្អាតជាមួយទឹកក្តៅឧណ្ឌ ប្រសិនបើអាចអ្នកអាចធ្វើវារៀងរាល់ថ្ងៃ ៕ លីសា
