ក្នុងឃ្លីបគេប្រទះឃើញកូនប្រសារស្រីស្លៀកខោបញ្ច្រាស់ ហើយឪពុកក្មេកភ្លេចទាញខ្សែរ៉ូតខោ ខណៈពេលកូនប្រុសបង្ហើតតាមទាន់ និងថតឃ្លីបនៅផ្ទះសំណាក់ ។ ស្តាប់អ្នកទាំងពីរយកលេសបិទបាំងទង្វើផ្តេសផ្តាសក្នុងបន្ទប់តែមួយ នរណាៗក៏អស់សំណើច ។ រីឯយុវជនជាកូនបង្កើតប្រាប់ថា ខ្លួនដាច់ចិត្តបង្ហោះឃ្លីបនេះជាសាធារណៈព្រោះតែឪពុកខ្លួនវាយដំធ្វើបាបម្តាយជារៀងរាល់ថ្ងៃ ។
យុវជនដែលជាអ្នកបង្ហោះឃ្លីបលើបណ្តាញសង្គម
ហេតុការណ៍នេះ កើតឡើងនៅក្រុង Buon Ma Thuot ខេត្តដាក់ឡាក់ ជាប់ព្រំដែនខេត្តមណ្ឌលគីរី ។
តាមខ្លឹមសារឃ្លីបដែលថតដោយកូនប្រុសបង្កើតនោះគឺគាត់បានតាមដាន ហើយក៏ប្រទះឃើញឪពុកខ្លួន រួមនឹងបងថ្លៃ បានចូលទៅក្នុងផ្ទះសំណាក់ នៅទីក្រុងនេះ ។
ឃ្លីបដែលថតបាន បង្ហាញឲ្យឃើញថា ខណៈពេលទើបចេញផុតពីបន្ទប់ មនុស្សប្រុសដែលគេដឹងថា ជាឪពុកក្មេក នៅពុំទាន់បានទាញខ្សែរ៉ូតខោនៅឡើយ ខណៈពេលកូនស្រីជាកូនប្រសារបែរជាស្លៀកខោបញ្ច្រាស់ទៅវិញ ។
នៅខណៈពេលចេញពីបន្ទប់មួយសន្ទុះ គេឮសូរសំឡេងស្រែកដាក់គ្នាទៅវិញ ទៅមករវាងឪពុកនិងកូនប្រុសបង្កើត រួចបុរសចំណាយជាឪពុកបានដឹកកូនប្រសារស្រីចេញទៅ ។
អ្នកបង្ហោះឃ្លីបនេះ បានចែករំលែកលើបណ្តាញសង្គមថា ខ្លួនគឺជាកូនប្រុសបង្កើតរបស់បុរសវ័យចំណាស់នោះ ។ ហើយចាប់បានភស្តុតាងឪពុកខ្លួននាំកូនប្រសារស្រីចូលក្នុងផ្ទះសំណាក់ ។
ម្តាយដែលរងការវាយដំ
លោកបន្តថា បងប្រុសខ្លួន បានស្លាប់កាលពីដើមឆ្នាំទៅមិញ ។ មិនបានប៉ុន្មានផង ក៏ឮពាក្យចរចាមអារ៉ាម រវាងឪពុកខ្លួន និងកូនប្រសារ ទន្ទឹមនោះខ្លួនលោកក៏សង្កេតឃើញឪពុកខ្លួនតែងរករឿងម្តាយ ហើយថែមទាំងវាយដំទៀត ។ មូលហេតុនេះឯងធ្វើឲ្យលោកប្តេជ្ញាចិត្តចាប់ភស្តុតាងឲ្យបាន ហើយថ្ងៃមួយ លោកបានតាមទាន់ និងថតយកឃ្លីបខាងលើ ។
តាមរយៈឃ្លីបនេះ អ្នកកាសែតបានស្វះស្វែងរកជួបបុរសជាឪពុក ដើម្បីធ្វើបទសម្ភាសន៍ ។
បុរសជាឪពុកបកស្រាយថា ៖ កូនប្រុសខ្ញុំដែលជាប្អូនថ្លៃ បានបង្កជម្លោះធ្វើឲ្យកូនប្រសារស្រីបានចាកចោលកូន និងផ្ទះខ្ញុំ ទៅនៅផ្ទះម្តាយបង្កើតគេវិញ ។ ហេតុនេះលោកក៏បានទៅជួបដន្លង រួចដឹកកូនប្រសារស្រីមកជួលផ្ទះសំណាក់ ដើម្បីនាងរស់នៅទីនោះជាមួយកូនៗនាង ។ បុរសជាឪពុក និយាយបន្ត ៖ ខ្ញុំចូលទៅបានប្រមាណ ២នាទីប៉ុណ្ណោះ ស្រាប់តែអាកូនប្រុសខ្ញុំវាមកវាយអង្រួនទ្វារក្ឌាំងៗ ពេលនោះខ្ញុំនិងកូនប្រសារស្រីនៅស្លៀកពាក់ធម្មតា ទាំងខ្ញុំនៅពាក់មួកសុវត្ថិភាព រីឯកូនប្រសារខ្ញុំនៅស្ពាយកាបូប ដាក់ឆ្នោតសម្រាប់លក់ ។ កំហុសរបស់ខ្ញុំគឺធ្វើជាឪពុកក្មេកគេ តែបែរជាទៅជួលផ្ទះសំណាក់ឲ្យកូនប្រសារស្រី វាពិតជាពិបាកនឹងបកស្រាយ ។ ពេលគេសួរដល់រឿងខ្សែរ៉ូតខោ គាត់ឆ្លើយថា គាត់តែងភ្លេចទាញខ្សែរ៉ូតខោជារឿយៗ មនុស្សពីរនាក់ដែលត្រៀមឡើងដើមរកា ឬចុះខ្ទះខ្លាញ់មិនដឹងទេ។
នាងកូនប្រសារស្រីស្លៀកខោបញ្ច្រាស់
ចំណែកនាងស្រីជាកូនប្រសារវិញ ខំប្រឹងបូបាច់ប្រាប់ថា ជាង១០ឆ្នាំមកហើយ គេតែងនិយាយអាក្រក់ពីខ្ញុំ និងឪពុកក្មេង ។ ប្រហែលដោយសារឪពុកខ្ញុំច្រើនដឹកខ្ញុំទៅលក់ឆ្នោត ហើយចៅរបស់គាត់ទៅរៀន ទើបគេពោលពាក្យចរចាមអារ៉ាមផ្តេសផ្តាសបែបនេះ ហើយថ្ងៃនោះគាត់គិតជួលផ្ទះសំណាក់ឲ្យម៉ែកូនខ្ញុំនៅបណ្តោះអាសន្នប៉ុន្មានថ្ងៃ ពុំមានបំណងអ្វីផ្សេងឡើយ ។
ពេលត្រូវចោទសួរពីរឿងស្លៀកខោបញ្ច្រាស់វិញ នៅពេលចេញពីបន្ទប់ក្នុងផ្ទះសំណាក់ នាងអះអាងថា មុននោះ មុនពេលទៅលក់ឆ្នោត ម្តាយនិងប្អូនស្រីបង្កើតរបស់នាងបានរំលឹកប្រាប់នាងពីរឿងស្លៀកខោបញ្ច្រាស់ដែរ តែនាងភ្លេចស្លៀកឲ្យត្រឹមត្រូវវិញ ។
តាមប្រិយមិត្ត តួអង្គបីរូប និងរឿងរ៉ាវក្នុងឃ្លីប តើនរណាជាអ្នកខុស?
