កាក់ចម្លាក់ “សន្និសីទកំពូលអាមេរិកកូរ៉េខាងជើង ត្រូវបានដាក់ស្លាកបញ្ចុះតម្លៃនៅអគារលក់ វត្ថុអនុស្សាវរីយ៍របស់សេតវិមាន ក្រោយពេលដែលប្រធានាធិបតីអាមេរិកដូណាល់ ត្រាំ ប្រកាសលុបចោលសន្និសីទកំពូលជាមួយមេដឹកនាំគីម ជុងអ៊ុន ។ តាម Reuter តម្លៃរបស់ប្រាក់កាក់នេះ ត្រូវបានទម្លាក់ពី 24,95 USD មកនៅត្រឹម 19,95 USD ។
ប្រាក់កាក់អនុស្សាវរីយ៍សន្និសីទកំពូលអាមេរិកខាងជើង
ប្រភពដដែលឲ្យដឹងថា ផ្ទៃខាងមុខរបស់កាក់នេះ មានរូបអណ្តែតរបស់លោកត្រាំ និងលោកគីម បែរមុខរកគ្នានៅពីមុខទង់ជាតិប្រទេសនីមួយៗ រង្វង់ខាងក្រៅពណ៌សមានបោះពុម្ពអក្សរថា “ប្រធានាធិបតីអាមេរិកដូណាល់ ត្រាំ និងមេដឹកនាំកំពូលគីម ជុងអ៊ុន” រីឯរង្វង់មូលពណ៌ក្រហមខាងក្រៅគេបង្អស់មានអក្សរថា ចរចាសន្តិភាព និងលេខ ២០១៨ ។
ផ្ទៃខាងក្រោយរបស់កាក់ មានរូបយន្តហោះរបស់ប្រធានាធិបតីហោះកាត់សេតវិមាន ព្រមទាំងត្រារបស់ប្រធានាធិបតីអាមេរិក ។
កាក់នេះត្រូវបានផលិតដោយកងទ័ពអាមេរិក ដែលគេតែងផលិតវានាឱកាសកើតមានព្រឹត្តិការណ៍ពិសេសៗ៕ សូយន