ក្មេងៗសម័យឥឡូវ ចូលចិត្តធ្វើសកម្មភាពអ្វីៗដែលប្លែក ដើម្បីទាក់ទាញចំណាប់អារម្មណ៍នៅលើបណ្តាញសង្គម ។ ជាក់ស្តែង វីដេអូមួយដែលបានបង្ហាញឲ្យឃើញយុវជនប្រុសស្រីស្ទាវៗមួយហ្វូង នៅក្នុងប្រទេសថៃ នាំគ្នាសម្តែងរាំនៅខាងក្រៅភូមិរបស់ពួកគេ បានធ្វើឲ្យអ្នកទស្សនាហួសចិត្ត និងងឿងឆ្ងល់ជាងខ្លាំង ចំពោះសកម្មភាពចាក់ក្បាច់រាំប្រកាច់ ននៀលពេញនៅលើដីភក់ ធ្វើឲ្យប្រឡាក់ប្រឡូកខ្លួនប្រាណដូចប្រេតបែបនេះ ។
ជាមួយបទចម្រៀងញាក់កន្ត្រាក់អារម្មណ៍ ដែលគេលឺសូរច្រៀងនូវពាក្យ «កាឌូតទេវៗ…» យុវជនស្ទាវៗទាំងនោះ ជាពិសេសស្រីៗ ត្រូវបានឃើញចាក់ក្បាច់រាំយ៉ាងសាហាវតែម្តង ។
ទន្ទឹមនោះនេះផងដែរ អ្នកលេងហ្វេសប៊ុកជាច្រើន បានបញ្ចេញមតិលើកឡើងទៅលើសកម្មភាពរាំរបស់ស្ទាវៗប្រុសស្រីទាំងនោះថា មិនដឹងជាពួកគេនាំគ្នាធ្វើបែបនេះដើម្បីអ្វីនោះទេ សង្ស័យយូរៗទៅ នាំគ្នាឆ្គួតអស់ហើយ…!! ៕ ចន្ទី