ព្រៃប្ញស្សីមួយនៅក្នុងប្រទេសជប៉ុន បានកំពុង «ស្រែកយំ» ខណៈពេលដែលពួកភ្ញៀវទេសចរគ្មានការពិចារណាជាច្រើន បាននាំគ្នាសរសេរ ឬ គូរគំនូរផ្សេងៗនៅលើដើមប្ញស្សីទាំងនោះឡើងស្អេកស្អះ ។
ដីព្រៃប្ញស្សីទាំងនោះ ស្ថិតនៅក្នុងស្រុក Arashiyama ទីក្រុង Kyoto (ជប៉ុ) បានកំពុងទាក់ទាញភ្ញៀវទេចរ មកពីទូទាំងជុំវិញពិភពលោក ជាមួយសភាពស្ងប់ស្ងាត់ដ៏អស្ចារ្យរបស់វា ដែលនាំមកនូវសន្តិភាពមួយ ។
ប៉ុន្តែ អ្វីៗហាក់ដូចស្ថិតនៅឆ្ងាយពីសុខសន្តិភាព សម្រាប់ដើមប្ញស្សីយ៉ាងតិច ១០០ ដើម ដែលកំពុងត្រូវបានបំផ្លិចបំផ្លាញ ជាមួយការសរសេរឡើងពាសពេញដោយអក្សរជាភាសាដូចជា៖ អង់គ្លេស, ចិន, កូរ៉េ និងអក្សរជប៉ុនមួយចំនួនផងដែរ ចាប់តាំងពីខែកុម្ភៈ មកម្ល៉េះ ។
ទោះយ៉ាងណា ខណៈពេលដែលបុគ្គលិកថែទាំ បានគ្រប់គ្រងចំពោះទង្វើបំផ្លិតបំផ្លាញភាពស្រស់ស្អាតរបស់ធម្មជាតិមួយនេះ ដើមប្ញស្សីរងផលប៉ះពាល់ទាំងនោះ ត្រូវបានកាត់បន្ថយច្រើន ស្របពេលដែលមន្ត្រី Kyoto ក៏បានអំពាវនាវដល់ភ្ញៀវទេសចរណ៍ទាំងអស់ បញ្ឈប់សកម្មភាពសរសេរផ្សេងៗនៅលើដើមឈើទាំងនោះផងដែរ ៕ ចន្ទី
