នៅក្នុងសង្គមបច្ចុប្បន្ននេះ មិនថានៅប្រទេសណានោះទេ ករណីអំពើចោរកម្មផ្សេងៗ តែងតែកើតឡើងជារឿយៗ ប៉ុន្តែ គ្រាន់តែសកម្មភាពបទល្មើសតិច ឬ ច្រើន ទៅតាមការគ្រប់គ្រង ក៏ដូចជាគោលនយោបាយកម្ចាត់បទល្មើសដ៏ម៉ឺងម៉ាត់របស់ប្រមុខដឹកនាំប្រទេសនីមួយៗប៉ុណ្ណោះ ។ ហើយបច្ចុប្បន្ននេះ បើនិយាយអំពីបទល្មើសចោរកម្មនៅក្នុងប្រទេសកម្ពុជាយើងវិញ គឺពុំកម្រឃើញកើតឡើងដូចក្នុងរយៈពេលប៉ុន្មានឆ្នាំមុននេះទេ ។
ទោះយ៉ាងណា បើទោះជាមានកាមេរ៉ាឃ្លាំមើល ដែលត្រូវបានបំពាក់ស្ទើរតែគ្រប់ទីកន្លែងហាងរកស៊ីជាច្រើនក្តី ក៏នៅតែមានបទល្មើសកើតឡើងតាមរូបភាពនឹកស្មានពុំដល់ផ្សេងៗ ដោយពុំខ្លាចញញើតនឹងសំណាញ់ច្បាប់ឡើយ ។ ជាក់ស្តែង ដូចជាករណីនៅក្នុងវីដេអូនេះអីចឹង ចោរដ៏ព្រហើនម្នាក់បាន «ឆក់» យកទូរស័ព្ទអ្នកលក់អស់១គ្រឿងទៅដោយសុវត្ថិភាព បន្ទាប់ពីចូលទិញ និងធ្វើល្បិចជាថត selfie ដើម្បីបញ្ជាក់ពីគុណភាពទូរស័ព្ទនោះ និងឃើញឱកាសល្អ ក៏បានដាក់មេប្រូចឡើងម៉ូតូគ្នីគ្នាបាត់ស្រមោលតែម្តង ។
វីដេអូខាងក្រោមនេះ ជាគំរូមួយដែលបងប្អូនអ្នករកស៊ីលក់ដូរទាំងអស់ ពុំថាតែទូរស័ព្ទទេ គួរប្រុងប្រយ័ត្ននឹងអតិថិជនបង្ហាញនូវអាកប្បកិរិយាចម្លែកៗ ដើម្បីកុំឲ្យខាតបង់របស់ទ្រព្យដូចក្នុងករណីនេះ ៕ ចន្ទី
