អតីតនាយករដ្ឋមន្ត្រីម៉ាឡេស៊ី Najib Razak ឈរកណ្តាល ពេលទៅឆ្លើយសំណួរនៅគណៈកម្មាធិការប្រឆាំងអំពើពុករលួយ (MACC) តាមការចុះផ្សាយរបស់ New Straits Times រដ្ឋមន្ត្រីហិរញ្ញវត្ថុ Lim Guan Eng នៅថ្ងៃទី ២៧ ខែឧសភា បានថ្លែងរិះគន់អតីតនាយករដ្ឋមន្ត្រី Najib Razak ហើយចោទប្រកាន់ថា អតីតនាយករដ្ឋមន្ត្រីរូបនេះ ត្រូវទទួលខុសត្រូវទាំងស្រុងចំពោះ “រឿងអាស្រូវពុករលួយដ៏អាក្រក់បំផុត ក្នុងប្រវត្តិសាស្ត្រម៉ាឡេស៊ី” ពោលគឺករណីមូលនិធិនិយោគរដ្ឋម៉ាឡេស៊ី (1MDB) ។
រដ្ឋមន្ត្រី Lim Guan Eng សង្កត់ធ្ងន់ថា លោក Najib Razak មិនអាចខុសឆ្គងបន្ថែមទៀត គ្រាដែលហ៊ានបដិសេធខ្ទង់ប្រាក់ 6,9 ពាន់លានរីងហ្គីប (ប្រមាណ ១,៧៣ ពាន់លានដុល្លារ) ដែលក្រសួងហិរញ្ញវត្ថុប្រើប្រាស់សម្រាប់សងបំណុលឲ្យ (1MDB) កាលពីឆ្នាំ ២០១៧ ដែលជាខ្ទង់ប្រាក់ “សង្គ្រោះ” តាមរដ្ឋមន្ត្រី Lim ពុំគួរជជែកវែកញែកអំពីឈ្មោះហៅនៃខ្ទង់ប្រាក់បំណុលនេះទេ លោក Najib Razak គប្បីបកស្រាយលទ្ធផលនៃទំនាក់ទំនងមួយចំនួនរបស់ 1MDB បានប្រព្រឹត្តតាំងពីឆ្នាំ ២០០៩-២០១៣ ក្នុងនោះទឹកប្រាក់សរុបមានដល់ទៅ 8,35 ពាន់លានដុល្លារ ។
រដ្ឋមន្ត្រី Lim នៅបានឲ្យដឹងថា ក្រសួងរបស់លោកនឹងធ្វើការជាមួយគណៈកម្មាធិការពិសេសអំពី 1MDB ដែលបានបង្កើតឡើងដោយនាយករដ្ឋមន្ត្រីថ្មី Mahathir Mohamad បង្កើតឡើងដើម្បីបកអាក្រាតរឿងរ៉ាវអាថ៌កំបាំងទាំងអស់ ស្ថិតនៅពីក្រោយ 1MDB ។
ប្រការនេះនឹងជួយប្រមូលមកវិញនូវខ្ទង់ប្រាក់ដែលត្រូវខាតបង់ ឬត្រូវកេងប្រវ័ញ្ញ ក៏ដូចជាការដាក់ទណ្ឌកម្មដល់អ្នកទទួលខុសត្រូវ ។
គួររំលឹកថា 1MDB គឺជាមូលនិធិវិនិយោគ ដែលអតីតនាយករដ្ឋមន្ត្រីម៉ាឡេស៊ី បង្កើតឡើងនៅឆ្នាំ ២០០៩ ហើយមានគោលបំណងថា បម្រើឲ្យកិច្ចអភិវឌ្ឍន៍សេដ្ឋកិច្ចសង្គម ៕ សូយន