កោះកុង៖ មានករណីគ្រោះថ្នាក់ចរាចរ បង្កឡើងដោយរថយន្ត បុកជាមួយម៉ូតូ បញ្ច្រាសទិសគ្នា បណ្តាលឲ្យម្ចាស់ម៉ូតូស្លាប់ ភ្លាមៗនៅនឹងកន្លែងកើតហេតុ នៅថ្ងៃទី២៧ ខែ ឧសភា ឆ្នាំ ២០១៨ វេលាម៉ោង៧ យប់ នៅចំណុចផ្លូវទៅព្រែកស្វាយ ក្បែរមន្ទីរអប់រំយុវជននិងកីឡាខេត្តកោះកុង។
ស្នងការដ្ឋាននគរបាលខេត្តកោះកុង បានឲ្យដឹងថា រថយន្តបង្ក ម៉ាក Toyota Vigo បើកបរដោយឈ្មោះ ឡាក់ ប៊ូពេ ភេទប្រុស អាយុ ២៨ឆ្នាំ មានទីលំនៅភូមិតាកាត ឃុំទួលគគី ស្រុកមណ្ឌលសីមា រីឯជនរងគ្រោះឈ្មោះ ម៉ាង សុហាន ភេទស្រី អាយុ ៥៤ឆ្នាំ ស្លាប់ មុខរបរ ទិញអេតចាយ មានស្រុកកំណើត ភូមិដូនតី ពញ្ញាក្រែក កំពង់ចាម មានទីលំនៅបច្ចុប្បន្ន ភូមិ-សង្កាត់ស្ទឹងវែង ក្រុងខេមរភូមិន្ទ ជិះម៉ូតូម៉ាក ឆាលី គ្មានស្លាកលេខ ។
បច្ចុប្បន្ន ជនបង្កជាអ្នកបើករថយន្ត ត្រូវបានកម្លាំងជំនាញចរាចរណ៍ក្រុងខេមរភូមិន្ទ នាំមកអធិការដ្ឋាន ដើម្បីសួរនាំទៅតាមនីតិវិធីច្បាប់។ ចំពោះសពរងគ្រោះ បានប្រគល់ជូនក្រុមគ្រួសារយកទៅធ្វើបុណ្យតាមប្រពៃណីនៅវត្តទេពនិមិត្ត ហៅវត្តថ្មី៕ ដោយ៖បញ្ញាស័ក្តិ