នេះជាករណីបើករថយន្តបំបុក និងកិនសម្លាប់យ៉ាងសាហាវព្រៃផ្សៃបំផុតមួយ ដែលធ្វើឲ្យអ្នកប្រើប្រាស់បណ្តាញសង្គមហ្វេសប៊ុក ផ្ទុះកំហឹងយ៉ាងខ្លាំង ដែលទាមទារឲ្យសមត្ថកិច្ចបើកការស្រាវជ្រាវស្វែងរកជនបង្កដែលមានចិត្តដ៏កំណាចនោះ មកកាត់ទោសឲ្យខាងតែបាន ។
តាមវីដេអូកាមេរ៉ាសន្តិសុខនៅលើដងផ្លូវ បានបង្ហាញឲ្យឃើញរថយន្ត១តូច១គ្រឿង បានបើកបំបុកស្ត្រីជិះម៉ូតូខាងមុខទាំងកម្រោលតែម្តង បណ្តាលឲ្យខ្ទាតចេញពីម៉ូតូរមៀលច្រើនត្រឡប់គួរឲ្យអាសូរ នៅវេលាម៉ោង ១១ និង៤០ នាទី ថ្ងៃអង្គារសប្តាហ៍មុន ស្ថិតនៅចំណុចផ្លូវប្រសព្វមួយ Looksua Anusorn 2 ក្នុងខេត្ត Narathiwat ប្រទេសថៃ ។
ខណៈហេតុការណ៍ដ៏រន្ធត់នេះបានកើតឡើងភ្លាមៗ គេក៏បានឃើញបុរសម្នាក់ស្ទុះចេញមកមើល ក្នុងបំណងជួយសង្គ្រោះជនរងគ្រោះ ប៉ុន្តែ គាត់ពិតជាលោះព្រលឹងខ្លាំងណាស់ ខណៈពេលកំពុងពិនិត្យទៅមើលជនរងគ្រោះពុំបានប៉ុន្មានវិនាទីផង ក៏ស្រាប់អ្នកបើករថយន្តចិត្តកំណាចនោះ បើករថយន្តកិនជនរងគ្រោះបន្ថែម និងសូម្បីតែរូបលោកទៀតផង ក្នុងបំណងផ្តាច់ជីវិត ។
ទោះយ៉ាងណា ជនបង្ករូបនោះ ត្រូវបានសមត្ថកិច្ចបើកការស៊ើបអង្កេត និងចាប់ខ្លួនបានហើយ ដែលមានឈ្មោះថា Saroj Lee អាយុ ៤០ ឆ្នាំ ។ ចំណែកជនរងគ្រោះជាកម្មករមានឈ្មោះ Mada-oh Maba អាយុ ៣៩ ឆ្នាំ ត្រូវបានគេរាយការណ៍ថាបានស្លាប់ភ្លាមៗ នៅនឹងកន្លែងកើតហេតុ ៕ ឧត្តម