មេដឹកនាំកូរ៉េខាងជើង គីម ជុងអ៊ុន នៅមានបងប្រុសម្នាក់ ដែលគេស្ទើរមិនដឹង ព្រមទាំងប្អូនស្រីម្នាក់ ដែលតែងបង្ហាញមុខអមដំណើរ។
តាមកាសែត Korean Times របស់កូរ៉េខាងត្បូង ក្នុងចំណោមសាច់ឈាមបង្កើតរបស់មេដឹកនាំប្រទេសនេះ មានតែប្អូនស្រីរបស់គាត់ដែលបង្ហាញវត្តមានជាញឹកញាប់ ព្រមទាំងមានមុខតំណែងក្នុងបក្សរដ្ឋាភិបាលកូរ៉េខាងជើង ។
Kim Jong-Chul បងប្រុសមេដឹកនាំកូរ៉េខាងជើងគីម ជុងអ៊ុន ក្នុងពិធីសម្តែងរបស់តារាចម្រៀង Eric Clapton នៅទីក្រុងឡុងនាថ្ងៃទី ២១ ខែឧសភា ឆ្នាំ ២០១៥ ។
ចំណែកបងប្រុសរបស់លោកគីម ជុងអ៊ុន វិញ ស្ទើរតែពុំមានអ្នកស្គាល់ ។ តាមការប្រមាញ់របស់អ្នកសារព័ត៌មានដែលគេតាមឃើញថ្មីៗបំផុតនោះ គឺនៅអំឡុងខែឧសភា ឆ្នាំ ២០១៥ ក្នុងពិធីសម្តែងរបស់អ្នកចម្រៀងល្បីល្បាញខាងលើ ។ ប៉ុន្តែចាប់ពីពេលនោះមកលោក Kim Jong-Chul បាត់ស្រមោលសូន្យឈឹងតែម្តង ។
ថ្វីត្បិតតែ Kim Jong-Chul ពុំស្ថិតក្នុងជួរអ្នកដឹកនាំរបស់បក្ស និងរដ្ឋាភិបាលព្យុងយ៉ាងក្តី ប៉ុន្តែតាមពាក្យចរចាមអារ៉ាមនោះ លោកកំពុងរស់នៅទីក្រុងព្យុងយ៉ាង ។
លោក Thae Yong-ho អមដំណើរលោក Kim Jong-Chul ទៅពិធំសម្តែងរបស់តារា Eric Clapton នៅឆ្នាំ ២០១៥ ។
យ៉ាងនេះក្តី អាថ៌កំបាំងរបស់ Kim Jong-chul ទើបបានទម្លាយចេញតាមរយៈសៀវភៅទើបបោះពុម្ពផ្សាយរបស់ Thae Yong-ho ដែលជាមន្ត្រីការទូតកូរ៉េខាងជើងម្នាក់ បានរត់ភៀសខ្លួនទៅក្រុងសេអ៊ូល នាឆ្នាំ ២០១៦ ក្នុងនោះមានទម្លាយចេញរឿងរ៉ាវខ្លះៗរបស់ Kim Jong-Chul ។
តាមលោក Thae Yong-ho អ្នកដែលធ្លាប់អមដំណើរលោក Kim Jong-chul ក្នុងដំណើរសម្ងាត់មួយទៅកាន់ទីក្រុងឡុងឆ្នាំ ២០១៥ ពណ៌នាថា ៖ បងប្រុសរបស់មេដឹកនាំកូរ៉េខាងជើងបច្ចុប្បន្នគឺជាមនុស្សដែល “ឆ្កួតនឹងដូរ្យតន្ត្រី ហើយនឹងហ្គីតា” ។
លោក Kim Yong-chul ក៏មានលក្ខណៈសម្តែងពិសេស ៕ ចន្ទ្រា