វីដេអូមួយបានធ្វើឲ្យគេហួសចិត្តយ៉ាងខ្លាំងទៀតហើយ ខណៈបង្ហាញឲ្យឃើញស្ត្រីអ្នកលក់ដូរម្នាក់ នៅជាប់សាលាវិទ្យាល័យបាក់ដាវ (ខេត្តកណ្តាល) បានសួរសំណួរដល់លោកយកសាលាវិទ្យាល័យបាក់ដាវថា តើមូលហេតុអ្វីបានជាលោកនាយកដាក់កំហិត ក៏ដូចជាគំរាមសិស្សដែលមកញ៉ាំអីៗ ហើយផ្ញើម៉ូតូនៅកន្លែងគាត់ដោយពុំយកលុយ ដោយកាត់ពិន្ទុកូនសិស្សម្នាក់ៗ ២០ ពិន្ទុ បែបនេះ ។
យោងតាមគណនីហ្វេសប៊ុកឈ្មោះ «អាណាចក្រ បាក់ដាវ» បានបង្ហោះវីដេអូបង្ហាញឲ្យឃើញស្ត្រីអ្នកលក់រូបនោះ លើកឡើងក្នុងសំណេរដើមទាំងស្រុងថា៖ «សួរថានាយកបាក់ដាវ មូលហេតុអី គ្រាន់តែសិស្សដាក់ម៉ូតូកន្លែងអ្នកលក់ ដល់ថ្នាក់ដកពិន្ទុសិស្ស ២០ ពិន្ទុ និ! តើវាខុសត្រង់ណា គ្រាន់តែគេផ្ញើម៉ូតូកន្លែងហ្នឹង គេហូបបាយនៅហ្នឹង គេដាក់ម៉ូតូនៅហ្នឹង ចាំបាច់ដកពិន្ទុសិស្សសាលានិ! នាយកបាក់ដាវហ្នឹង អីក៏ហ្មេសៗ… នាយកសាលាបាក់ដាវនិ!! វាខ្លាំងហួសហេតុពេកហើយ ដល់ថ្នាក់ដកពិន្ទុសិសនិ! ខ្ញុំវាឆ្ងល់ ខ្ញុំចង់សួរត្រង់ប៉ុណ្ណឹង….គ្រាន់តែគ្នាផ្ញើកង់ម៉ូតូនៅហ្នឹង ក៏ដកពិន្ទុគ្នាដែរ ហើយកូនសិស្សវាទុកនៅហ្នឹង ខ្ញុំអត់យកលុយទេ តម្លៃម៉ូតូក្នុង១ថ្ងៃ ៥០០ រៀល ខ្ញុំអត់យកទេ គ្រាន់តែឲ្យវាមកហូបចុកប៉ុណ្ណោះ តែបើសាលារៀនវិញយកក្នុង១ថ្ងៃម៉ូតូ១គ្រឿង ៥០០ ៛… » ។
ទោះជាយ៉ាងណា នេះជាសារដ៏ហួសចិត្ត ដែលអាជីវករយើងបានលើកឡើងយ៉ាងច្បាស់ៗដូចក្នុងវីដេអូងខាងក្រោមនេះ និងសង្ឃឹមថាលោកនាយកសាលាវិទ្យាល័យបាក់ដាវ បានជ្រាប និងបំភ្លឺឲ្យបានច្បាស់អំពីករណីនេះ ដើម្បីឲ្យអ្នកប្រើប្រាស់បណ្តាញសង្គមអស់ចម្ងល់ផង ៕ ឧត្តម