នេះជារឿងរ៉ាវមួយដែលបងប្អូនប្រិយមិត្តឃើញហើយ ពិតជាគួរឲ្យស្រណោះស្រណោកខ្លាំងណាស់ ខណៈដែលបុរសជាប្តីម្នាក់ បានសម្រេចចិត្តចេញវីដេអូ ដើម្បីរៀបរាប់ការពិតឲ្យបងប្អូនទាំងអស់គ្នាបានដឹងថា ប្រពន្ធវ័យក្មេងរបស់គាត់ បានចុះចោលរូបគាត់ និងសូម្បីមិនស្រណោះដល់កូនស្រីតូចៗដែលពុំទាន់ដឹងក្តីទាំង៣នាក់ ដើម្បីទៅរួមរស់ជាមួយប្រុសស្នេហ៍ថ្មី ។
យោងតាមគណនីហ្វេសប៊ុកឈ្មោះ MC Tazan ដែលបានបង្ហោះវីដេអូឡើង រួមជាមួយរូបថតប្រពន្ធ និងប្រុសស្នេហ៍ នោះបុរសជាប្តីកំសត់រូបនោះ បាននិយាយរៀបរាប់យ៉ាងឈឺចាប់ថា៖ «បងប្អូនជួយមើលៗ វាហ៊ានចុះចោលទៅតាមប្រុស សាហាយវា ដោយពុំគិតពីកូនស្រីតូចៗទាំង៣នាក់ ដោយគ្មានស្រណោះសូម្បីបន្តិចឡើយ… ។ នេះសំណាងហើយ ដែលបានម្តាយរបស់ខ្ញុំមើល ចុះប្រសិនម៉ែខ្ញុំអត់បានមើល តើកូនស្រីខ្ញុំទាំង៣នាក់នឹងទៅជាយ៉ាងណា ខ្ញុំពិតជាឈឺចាប់ណាស់បងប្អូន!! ។ មីស្រីផិតប្តីនេះ ពុំត្រឹមតែផិតទេ គឺវាយកថែមទាំងទ្រព្យសម្បត្តិខ្ញុំទៀត ។ ខ្ញុំពិតជាអាណិតខ្ញុំ មីតូចណាស់ ដែលវា (ប្រពន្ធ) ទុកចោល២ថ្ងៃ ដែលវាទៅដេកជាមួយអាហ្នឹង!!» ។
លោកបានបន្តឲ្យដឹងទៀតថា៖ «សូមបងប្អូនជួយស៊ែរម្នាក់មួយផង! ដើម្បីឲ្យមីស្រីប្រពន្ធនេះមានឈ្មោះ លក្ខណ៍ បានដឹង មីលាក់ៗពត់ត្បត់ ស្រុកវានៅកំពង់ធំ រីឯអាប្រុសនៅពោធិ៍សាត់ ធ្វើការកសាង (រ៉ាត់ម៉ៅការ)» ។ បងប្រុសរូបនេះ នៅបានអះអាងចុងក្រោយថា ប្រសិនបើគាត់បានជួបមុខពួកគេទាំងពីរ នោះនឹងស្វាគមន៍ដឹងសខ្មៅហើយ ដោយពុំឲ្យពួកគេទាំងពីរមានក្តីសុខឡើយ ៕ ចន្ទី