កាលពីព្រឹកមិញនេះ លោក ឌួង សុខគា ពិធីករសម្បូរវោហាស័ព្ទបានរៀបរាប់ទាំងហួសចិត្តនៅលើគណនីហ្វេសប៊ុករបស់លោក ទាក់ទងនិងអ្នករៀបចំពិធីការមួយ ដែលបានដេញអ្នកភ្លេងរបស់លោកច្រងាប់ច្រងិល ឱ្យអង្គុយនៅមុខបង្គន់ ប៉ន្តែទោះជាយ៉ាងណាលោក បានព្យាយាមខន្តី ព្រោះអាណិតដល់ម្ចាស់ដើមការដែលពួកគាត់មិនដឹងអ្វី ។
លោក ឌួង សុខគា បានសរសេរយ៉ាងដូច្នេះថា បើកបេះដូងអ្នកភ្លេងខ្មែរម្តង! ភ្លេងខ្មែរ មិនមែនមកលេងសុំទានទេ! បើមិនរៀបរយកន្លែងឲ្យអង្គុយ គ្នាយកកៅអីរៀបភ្លេង មកដណ្តើមយកវិញទៅទៀតដូចកូនក្មេង។ ហាងធំ ការធំ តែបើពិធីការ មិនយល់ មិនឲ្យតម្លៃរឿងនេះ ពួកខ្ញុំអាចទៅផ្ទះវិញបាន ព្រោះមិនអាចអង្គុយលើឥដ្ឋក្បែរបង្គន់បានឡើយ ។ អរគុណម្ចាស់ដើមការ ដែលស្រលាញ់ចូលចិត្តខ្ញុំ មើលទៅគាត់មិនបានដឹងទេថា ក្រុមការងារកូនចៅគាត់ធ្វើមិនសម។ មិនមែនមិនខន្តីទេ! យល់ថាដើមការគាត់រវល់ បើកុំតែយល់បែបនេះ ប្រហែលដកទ័ពហើយខ្ញុំ» ។
ក្រោយមកទៀត លោកក៏បានបន្តថា ទប់ជាប់ហើយ ជោគជ័យហើយ! អរគុណបងប្អូនទាំងអស់ដែល ខមមិនមក! តែយ៉ាងណាខ្ញុំបាននិយាយតាមនេះដើម្បីពន្យល់ខ្លះៗ ពីទឹកចិត្ត និង បេះដូង របស់អ្នកភ្លេងខ្មែរ។
ខាងក្រោមនេះជាបទពណ៌នា បន្តដែល ប្រមូលមកក្រោយ រលឹមតក់ៗ កាត់សរសៃវែនកាវ បេះដូង៖ ប្រហែលមកពីហាងច្រើនជាង ព្រោះគាត់មិនដែលទទួលការ ម្ល៉ោះហើយ បែបប្រើកូនចៅៗ មិនយល់ការ ឆ្លេឆ្លាយកមុខ មកលេងឯង ត្រឡប់ត្រឡិន។ រៀបភ្លៀងលើកៅអី គាត់ដេញយើង ឲ្យរើភ្លេងចេញ គាត់យកកៅអីទៅរៀប ហើយ ដេញឲ្យយើងអង្គុយលើឥដ្ឋក្បែរផ្លូវចូលបង្គន់។ តើលោកណាទ្រាំបាន? អីដែលខ្ញុំអាណិតគឺ អ្នកភ្លេងខ្ញុំ ព្រោះខ្ញុំមិនបានដឹងរឿង ម៉ោងប្រាំមួយកន្លះខ្ញុំមកដល់ឃើញឈរ ឱបទ្រ តាខេ ខ្ញុំមិនដឹងរឿង ខ្ញុំស្តីឲ្យគាត់ ថាម៉េចមិនរៀនភ្លេង គាត់ទម្លាក់ទឹកមុខ ហើយនិយាយថា គេអត់ឲ្យកៅអី ដាក់អង្គុយទេ បង។ គេឲ្យអង្គុយលើឥដ្ឋ។ ពុទ្ធោ!! ហេតុអី ខ្មែរអើយ? អ្នកល្ងង់ណាស់ឬ? ឬអ្នកមើលឃើញថាអ្នកភ្លេងហ្នឹងជាគោមែនទេ? បើកុំតែជាការទទួលខុសត្រូវ និង អាណិតដើមការ កុំអី អាអូនឯង ត្រូវប៉ះជាមួយបងហើយ!? ពស់ព្រលឹតក៏ចឹកដែរ។ កាន់បាត្រឲ្យអាត្មា ៕ សាវុធ
