កំពង់ស្ពឺ ៖ កម្លាំងនគរបាលស្រុកសំរោងទងដឹកនាំដោយលោកវរសេនីយ៍ឯក ឃុត សុផល អធិការស្រុក បានបង្ក្រាបករណីជួញដូគ្រឿងញៀន២ករណី ភូមិក្រាំងស្នួល ឃុំព្នាយនឹងភូមិអង្គតាឡឹក ឃុំសំបូរ ស្រុកសំរោងទង ខេត្តកំពង់ស្ពឺ ដោយបានឃាត់បានមុខសញ្ញា ៤នាក់ដកហូតថ្នាំញៀន និងសម្ភារៈមួយចំនួន។
កម្លាំងនគរបាលជំនាញ បានបញ្ជាក់ថា ថ្ងៃចន្ទ ទី២៨ ខែឧសភា ឆ្នាំ២០១៨ នគរបាលជំនាញស្រុកសំរោងទង ដឹកនាំដោយលោកវរសេនីយ៍ឯក ឃុត សុផល អធិការស្រុក ធ្វើការបង្ក្រាបករណីជួញដូគ្រឿងញៀនចំនួន ២ ករណី នៅភូមិក្រាំងស្នួល ឃុំព្នាយ នឹង ភូមិអង្គតាឡឹក ឃុំសំបូរ ស្រុកសំរោងទង ឈានទៅឃាត់មនុស្សចំនួន ៤ នាក់ ដកហូត សារធាតុញៀន ១០ កញ្ចប់ ( ធំ ១ កញ្ចប់ ~មធ្យម ១ កញ្ចប់ ~តូច ៨ កញ្ចប់ ) ជញ្ជីងថ្លឹងគ្រឿនញៀន ចំនួន ១ ទូរស័ព្ទដៃ២ គ្រឿង ម៉ូតូ ១ គ្រឿងនិងសម្ភារៈមួយចំនួន។
ករណីទី១៖វេលាម៉ោង១៤និង៣០នាទី កម្លាំងនគរបាលស្រុកបានឃាត់ជនសង្ស័យម្នាក់ឈ្មោះ ម៉ក់ សៀវប៉ែ ភេទប្រុស អាយុ១៦ឆ្នាំ ភូមិត្រពាំងលាន ឃុំចំបក់ ស្រុកបាទី ខេត្តតាកែវ មកស្នាក់នៅផ្ទះរបស់ឈ្មោះ ប៊ន ជាប្ដី ប្រពន្ធ ភូមិក្រាំងស្នួល ឃុំព្នាយ ស្រុកសំរោងទង ខេត្តកំពង់ស្ពឺ ដកហូតបានគ្រឿងញៀនចំនួន៥កញ្ចប់តូច ទូរស័ព្ទដៃមួយគ្រឿង។
ករណីទី២៖វេលាម៉ោង១៦និង៤០នាទី កម្លាំងជំនាញស្រុកបានឃាត់ខ្លួនជនសង្ស័យ ៣នាក់ទៀត
ទី១.ឈ្មោ លៀង ឡូញ ហៅឆ្លូញ ភេទប្រុស អាយុ៣៣ឆ្នាំ នៅភូមិឈូកសោម ឃុំភ្នំតូច ស្រុកឧដុង្គ ខេត្តកំពង់ស្ពឺ ទី២.ឈ្មោះ ហេង សុវណ្ណរិទ្ធ ហៅ ក្លិច ភេទប្រុស អាយុ៣៤ឆ្នាំ ភូមិអង្គតាឡឹក ឃុំសំបូរ ស្រុកសំរោងទង ខេត្តកំពង់ស្ពឺ និងទី៣.ឈ្មោះ សុខ ឆៃ ភេទប្រុស អាយុ៤១ឆ្នាំ ភូមិអង្គតាឡឹក ឃុំសំបូរ ស្រុកសំរោងទង ខេត្តកំពង់ស្ពឺ ជាម្ចាស់ផ្ទះ ដកហូតគ្រឿងញៀនជាក់ស្ដែង ចំនួន ៥ កញ្ចប់ ធំ ១ កញ្ចប់ មធ្យម ១ កញ្ចប់ តូច ៣ កញ្ចប់ ជញ្ជីងថ្លឹងគ្រឿងញៀន ១ ទូរស័ព្ទដៃ ១ គ្រឿង នឹងសម្ភារៈ មួយចំនួនទៀត។
លោកអធិការស្រុកបញ្ជាក់ថា ជនសង្ស័យរួមជាមួយវត្ថុតាងកម្លាំងជំនាញកំពុកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមនីតិវិធី ៕ ដោយ៖បញ្ញាស័ក្តិ
