កណ្តាល៖សមត្ថកិច្ចនគរបាលប៉ុស្តិ៍ស្វាយរលំ ឃាត់ខ្លួនជនសង្ស័យម្នាក់ ដកហូតបានថ្នាំញៀន ៨កញ្ចប់ ក្នុងករណី ជួញដូរដោយខុសច្បាប់នូវសារធាតុញៀន ដែលប្រតិបត្តិការនេះ ធ្វើឡើងនៅថ្ងៃ ទី ២៨ ខែ ឧសភា ឆ្នាំ២០១៨ វេលាម៉ោង ២៣និង៣០នាទី នៅចំណុចផ្ទះរបស់ឈ្មោះ ឌុល ឡាភេទប្រុស ស្ថិតក្នុងភូមិ លេខ១ ឃុំស្វាយរលំ ស្រុកស្អាង ខេត្តកណ្តាល ។
នគរបាលស្រុកស្អាង បានឱ្យដឹងថា ជនសង្ស័យចំនួន ២នាក់ ឈ្មោះផូ ចិត្រា ភេទប្រុស អាយុ២០ឆ្នាំ ជនជាតិ ខ្មែរមុខរបរ ជាងដែក ទីលំនៅបច្ចុប្បន្នភូមិលេខ១ ឃុំស្វាយរលំ ស្រុកស្អាង ខេត្តកណ្តាល ឃាត់ខ្លួន ឈ្មោះ ឌុលឡាភេទ ប្រុស អាយុ ២៧ឆ្នាំ ជនជាតិ ខ្មែរ មុខរបរ មិនពិតប្រាកដ ទីលំនៅបច្ចុប្បន្នភូមិលេខ១ឃុំស្វាយរលំ ស្រុកស្អាង ខេត្តកណ្តាល គេចខ្លួនហើយវត្ថុតាងចាប់យករួមមាន ម្សៅក្រាមពណ៌សថ្លាសង្ស័យថាជាសារធាតុញៀន(ម៉ាទឹកកក) ចំនួន ៨កញ្ចប់តូច។
នៅថ្ងៃខែឆ្នាំវេលាម៉ោងកើតហេតុ ក្រោយទទួលបានព័ត៌មានពីប្រជាពលរដ្ឋល្អថា មានករណីជួញដូរគ្រឿងញៀន នៅចំណុចកើតហេតុខាងលើ ភ្លាមនោះលោកអនុសេនីឯកឡោ សុខៃ ជានាយប៉ុស្តិ៍ បានដឹកនាំកម្លាំងប៉ុស្តិ៍នគរបាលរដ្ឋបាលស្វាយរលំ ដល់កន្លែងកើតហេតុ បានធ្វើការឃាត់ខ្លួនឈ្មោះផូ ចិត្រា និងរកឃើញម្សៅក្រាមពណ៍សថ្លាសង្ស័យជាសារធាតុញៀន(ម៉ាទឹកកក) ចំនួន៨កញ្ចប់តូច នៅក្បែរខ្លួនឈ្មោះផូ ចិត្រា។ ចំណែកឈ្មោះឌុល ឡា បានរត់គេចបាត់ពីកន្លែងកើត។ បន្ទាប់មកក៏ឃាត់ខ្លួនឈ្មោះផូ ចិត្រា រួមនឹងវត្ថុតាងបញ្ជូនមកប៉ុស្តិ៍ ដើម្បីសាកសួរ ។
នៅចំពោះមុខសមត្ថកិច្ចនគរបាល ឈ្មោះ ផូ ចិត្រា បានសារភាពថា គ្រឿងញៀន(ម៉ាទឹកកក) ចំនួន១ កញ្ចប់ ជារបស់ខ្លួន និងចំនួន៧កញ្ចប់ទៀត គឺជារបស់ឈ្មោះឌុល ឡា បានប្រគល់មកខ្លួ។បច្ចុប្បន្នជនសង្ស័យ បានបញ្ជូនទៅ អធិការដ្ឋាននគរបាលស្រុកស្អាងដើម្បីបន្ដអនុវត្ដតាមនីតិវីធី ៕ ដោយ៖បញ្ញាស័ក្តិ
