ព្រះវិហារ៖ រថយន្តតូយ៉ូតាសេណាមួយគ្រឿងបើកលឿន គេចពីការដេញរបស់សមត្ថកិច្ច បានបណ្តាលឲ្យ បែកកង់ខាងឆ្វេងក្រឡាប់ផ្ងារជើង ក្អូតចេញឈើប្រណីត ហើយអ្នកបើករថយន្តបានរត់គេចខ្លួនបាត់នៅរសៀលថ្ងៃទី២៨ ខែឧសភា ឆ្នាំ២០១៨ ស្ថិតនៅចន្លោះគីឡូម៉ែត្រលេខ៥៨-៥៩តាមបណ្តោយផ្លូវជាតិលេខ៦២ ក្នុងភូមិរំចេក ឃុំរមណី ស្រុករវៀង ខេត្តព្រះវិហារ។
សមត្ថកិច្ចនគរបាលស្រុករវៀង បានប្រាប់ឲ្យដឹងថា រថយន្តម៉ាក SIENNA ពណ៌ស ពាក់ស្លាកលេខ ភ្នំពេញ 2AC-3088 ដឹកឈើធ្នង់ចំនួន១៦៧ដុំ។ វត្ថុតាងរួមមានរថយន្ត និងឈើ ត្រូវបានយកទៅរក្សាទុក នៅផ្នែករដ្ឋបាលព្រៃឈើរវៀង។ រថយន្តបោះពួយយ៉ាងលឿន ក្នុងទិសដៅពីជើងទៅត្បូង លុះដល់ចំណុចកើតហេតុបណ្តាលឲ្យ រថយន្តបែកកង់ខាងឆ្វេង ក៏ក្រឡាប់តែម្តងទៅ។ ក្រោយហេតុការណ៍ក្រឡាប់រថយន្តនោះ គឺនៅក្នុងរថយន្តមានផ្ទុកឈើប្រណីតខុសច្បាប់ប្រភេទ ធ្នង់៕ ដោយ៖បញ្ញាស័ក្តិ