កាលពីឆ្នាំ ២០០៨ មានគ្រោះរញ្ជូនដីដ៏ខ្លាំងមួយបានវាយប្រហារខេត្ត Sichuan ប្រទេសចិន បណ្តាលឲ្យមានមនុស្សស្លាប់ជាច្រើននាក់។ មនុស្សជាច្រើនបែកបាក់គ្រួសារ ហើយរឿងដ៏សោកសង្រេងនេះ ក៏បានកើតឡើងលើស្ត្រីស្រស់ស្អាតម្នាក់ដែរឈ្មោះ Liao Zhi ដោយនាងត្រូវបាត់បង់ជើងទាំង ២ និងកូនស្រីជាទីស្រឡាញ់អាយុ ១ឆ្នាំ។
មុនពេលសោកនាដកម្មកើតឡើង ស្ត្រី Liao Zhi បានរស់នៅជាមួយគ្រួសារដ៏រីករាយ ប៉ុន្តែប្តីនាង បានបោះបង់នាងចោល ក្រោយពេលនាងត្រូវពិការជើងទាំងសងខាង ដោយគ្រោះរញ្ជួយដី។
នៅពេលបាត់បង់ជើងទាំងសងខាង និងត្រូវប្តីបោះបង់ចោល ស្ត្រី Liao Zhi ទទួលរងបន្ទុកយ៉ាងខ្លាំងក្នុងជីវិត ខណៈគាត់គឺជាអ្នករាំ និងគ្រូបង្ហាត់រាំផងដែរ ប៉ុន្តែនាងមិនបោះបង់ចោលការតស៊ូឡើយ។ នាងយល់ថា នាងត្រូវតែបន្តជីវិតរបស់នាងទៀត ព្រោះអតីតកាលមិនអាចត្រឡប់ថយក្រោយបាននោះឡើយ។
នាងតែងតែគិតវិជ្ជមានជានិច្ច និងប្តេជ្ញាសម្រេចក្តីប្រថ្នារបស់នាងដើម្បីក្លាយជាអ្នករាំដ៏អស្ចារ្យនិងគ្រូបង្ហាត់រាំ ដូច្នេះហើយទើបនាងប្រើជើងសិប្បនិម្មិតជំនួស ដើម្បីបន្តជីវិតរបស់នាងជាអ្នករាំ។
៥ឆ្នាំក្រោយ ក៏មានគ្រោះរញ្ជួយដីវាយប្រហារប្រទេសចិនម្តងទៀតនៅតំបន់ Ya An ស្ថិតក្នុងខេត្ត Sichuan ដដែល ហើយវាធ្វើឲ្យនាងនឹកឃើញពីការលំបាកនៃគ្រោះធម្មជាតិនោះ ព្រោះនាងធ្លាប់ជួបប្រទះ ដូច្នេះនាងក៏សម្រេចចិត្តទៅតំបន់ Ya An ដើម្បីជួយប្រជាជនរងគ្រោះនៅទីនោះ ដោយធ្វើជាអ្នកស្ម័គ្រចិត្ត។
សាធារណៈកោតសរសើរនាងជាខ្លាំង ហើយមានការងើយឆ្ងល់ថា ហេតុអ្វីក៏ស្ត្រីស្អាតបែបនេះសុខចិត្តធ្វើការស្ម័គ្រចិត្តជួយជនរងគ្រោះទាំងនាងខ្លួនឯង ពិការជើងបែបនោះ។ នាងក៏បានរៀបរាប់សាច់រឿងរបស់នាងដល់គស្តាប់។
នាងមិនអាចនៅស្ងៀមដោយមិនព្រមធ្វើអ្វីសោះដើម្បីជួយជនរងគ្រោះនោះទេ ព្រោះនាងធ្លាប់ជឿងរឿងបែបនោះ។ ការងារស្ម័គ្រចិត្តពិតជាជំរុញទឹកចិត្តនាងយ៉ាងខ្លាំង។
នាងបានអភ័យទោសដល់អតីតប្តីរបស់នាង ដែលបានចាកចោលនាង ហើយនាងនិយាយថាការចាកចេញរបស់ប្តីនាង បានធ្វើឲ្យនាងប្រែក្លាយទៅជាស្ត្រីរឹងមាំរហូតដល់សព្វថ្ងៃ។
ឥឡូវនាងបានជួបស្នេហាពិត និងបានរៀបការជាមួយបុរសម្នាក់ដែលទទួលយកនាង៕ សុភ័ក្ត្រ
