វេជ្ជបណ្ឌិតសញ្ជាតិឥណ្ឌាម្នាក់ បានធ្វើឲ្យក្មេងស្រីម្នាក់ កើតជំងឺមហារីកស្លាប់យ៉ាងទាន់ហន់ បន្ទាប់ពីខ្លួនគាត់បានអញ្ជើញគ្រូ “មន្តអាគម” មកធ្វើកិច្ចបណ្តេញខ្មោចព្រាយ ។
តាម Daily Mail, Sandhya Sonawane អាយុ ២៤ឆ្នាំ មានជំងឺមហារីកដោះត្រូវបានព្យាបាលនៅមន្ទីរពេទ្យ Deenanath នា Pune, Maharashtra ប្រទេសឥណ្ឌា ។
ជំនួសឲ្យការព្យាបាល នាង Satish Chavan តាមវិទ្យាសាស្ត្រទំនើប វេជ្ជបណ្ឌិតផ្ទាល់របស់នាង Satish Chavan បែរជាសំណូមពរឲ្យមនុស្សម្នាក់ដែលមិនមែនជាគ្រូពេទ្យអនុវត្តវិធីបណ្តេញ”ខ្មោចបិសាច” ដោយប្រើប្រាស់ក្រណាត់ក្រហមមួយផ្ទាំងតូច និងក្រូចឆ្មារ ២-៣ ផ្លែ ពេលពិធីនេះកំពុងធ្វើក៏ជាខណៈវេលាដែលអ្នកជំងឺដាច់ដង្ហើមដែរ ។
មុននោះ Satish Chavan បានឆ្លងកាត់ការវះកាត់តាមបែបធម្មតា នៅវិទ្យាស្ថានថែបំប៉ន Chavan ប៉ុន្តែដោយបាត់បង់ឈាមច្រើនពេក ទើបនាងត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ Deenanath ។
ក្រុមគ្រួសារឃើញស្ថានការណ៍បែបនេះ ដាក់បណ្តឹងទៅប៉ូលិស ខណៈពេលដែលភាគីមន្ទីរពេទ្យបានបដិសេធមិនទទួលខុសត្រូវចំពោះការស្លាប់របស់ក្មេងស្រីនេះ ។ តំណាងមន្ទីរពេទ្យអះអាងថា ពួកគេពុំបានដឹងថា លោក Chavan បានធ្វើទង្វើបែបជំនឿអរូបិយឡើយ ។
ចំណែកវេជ្ជបណ្ឌិត Chavan វិញក៏បានប្តឹងទៅប៉ូលិសថា មានគេទូរស័ព្ទមកគំរាមយកជីវិតរបស់ខ្លួន ក្រោយពេលអ្នកជំងឺនេះស្លាប់ ។ ប៉ុន្តែពុំបានបកស្រាយបញ្ជាក់អំពីហេតុការណ៍ដ៏ធ្ងន់ធ្ងរនាំឲ្យមានលទ្ធផលរហូតដល់ថ្នាក់អ្នកជំងឺស្លាប់យ៉ាងទាន់ហន់បែបនេះ ។ បច្ចុប្បន្នករណីនេះ កំពុងត្រូវបានស៊ើបអង្កេត ៕ ចន្ទ្រា
