និស្សិតវ័យ ២៦ឆ្នាំម្នាក់ បានទទួលជោគជ័យក្នុងកម្មវិធីទូរទស្សន៍ដ៏ចម្លែករបស់សេដ្ឋីប្រេងកាតរុស្ស៊ី វ័យ ៥៥ឆ្នាំ ។
Yulia បង្អួតចិញ្ចៀនពេជ្រ តម្លៃជិត ៣០.០០០ដុល្លារ
កម្មវិធីរើសប្រពន្ធតាមទូរទស្សន៍មានឈ្មោះថា “Millionaire for Marriage” បានរកឃើញម្ចាស់ជ័យលាភី ដែលជាម្ចាស់ជ័យលាភីដែលជាសេដ្ឋីប្រេងកាត Konstantin Scherbinin ។
សេដ្ឋីប្រេងកាតនិងកូនទាំង ៤
គួររំលឹកថា សេដ្ឋីរូបនេះបានប្រគល់សិទ្ធិទាំងស្រុងឲ្យកូនៗរបស់ខ្លួន ពិនិត្យនិងសម្រេចជ្រើសរើសភរិយាលើកទី ៦ របស់ខ្លួន ។ ចុងក្រោយនិស្សិតក្រីក្រវ័យ 29 ឆ្នាំ ឈ្មោះ Yulia Sveshnikova បានផ្តួលគូប្រកួតជាង ២.០០០នាក់ ក្លាយជាម្ចាស់ជ័យលាភី ។
សេដ្ឋីប្រេងកាត
ក្រោយពីទទួលបានជ័យលាភីភ្លាម នាងបានរួមដំណើរជាមួយស្វាមីដែលជាសេដ្ឋីប្រេងកាតទៅក្រេបទឹកឃ្មុំនៅឌូបៃ ហើយនឹងរួមរស់ជាមួយបុរសនេះ នៅមូស្គូ និង Los Angeles ។ Yulia បានឲ្យដឹងថា នាងបានចាកចេញពីផ្ទះភូមិកំណើត Siberia មកកាន់ក្រុងមូស្គូ ដោយពុំមានលុយមួយកាក់ ។ នាងបានក្លាយជានិស្សិតម្នាក់ ហើយប្រើពេលទំនេរដើម្បីធ្វើការ ។
ឈុតសុំរៀបការប្រព្រឹត្តទៅស្ទូឌីយូ នាស្ថានីយ៍ទូរទស្សន៍តែម្តង ។
រីឯសេដ្ឋីរូបនេះវិញថ្លែងថា កូនៗគឺជាអ្វីៗទាំងអស់ ប៉ុន្តែលោកពុំធ្លាប់បានជួបនារីដូចជា Yulia ទេ ហើយថ្ងៃនេះកូនៗបានជ្រើសរើសយកនាងឲ្យធ្វើជាភរិយាខ្ញុំ ខ្ញុំពិតជាមានសុភមង្គលណាស់ ព្រោះចុងក្រោយខ្ញុំរកបាននារីម្នាក់ដែលត្រូវការបេះដូង ពុំមែនលុយរបស់ខ្ញុំនោះទេ ៕ ចន្ទ្រា
