ខេត្តព្រះសីហនុ៖ ថ្នាក់ដឹកនាំរដ្ឋ នៃបាលក្រុង-ខេត្តព្រះសីហនុ និងមន្ទីរបរិស្ថាន ជាថ្មីម្ដងទៀត បានអំពាវនាវដល់ប្រជាពលរដ្ឋគ្រប់ៗរូប ត្រូវលះបង់គំនិត ឬទង្បើអាក្រក់បោះចោលសំរាមគ្មានរបៀបរៀបរយតាមទីសាធារណៈ ហើយងាកមកចូលរួមវេចខ្ចប់ទុកដាក់កាកសំណល់សំរាមឲ្យបានត្រឹមត្រូវ ព្រមទាំងចូលរួមសកម្មភាពសំអាតអនាម័យបរិស្ថាន ជាមួយអាជ្ញាធរឲ្យបានជាប្រចាំ។
សារអំពាវនាវបែបនេះ បានកើតមានជាថ្មីទៀត ក្រោយពេលឃើញសកម្មភាព របស់ស្ត្រីម្នាក់រស់នៅក្នុងទីក្រុងព្រះសីហនុ បានយកកាកសំណល់សំរាម យកទៅចាក់ចោលបង្ហូរលើផ្លូវតឋមទឹកហូរ ពេលមានភ្លៀងធ្លាក់ និងត្រូវបានគេថតបង្ហោះនៅលើបណ្តាញសង្គមហ្វេសប៊ុក កាលពីរសៀលថ្ងៃអង្គារ៍ ទី២៩ ខែឧសភា ឆ្នាំ២០១៨។
ស្ត្រីខាងលើនេះ ត្រូវបានមន្ត្រីមន្ទីរបរិស្ថាន សហការជាមួយមន្ត្រីរដ្ឋបាលសាលាក្រុងព្រះសីហនុ បានចុះស្រាវជ្រាវ និងបានអញ្ជើញស្ត្រីរូបនោះ មកអប់រំណែនាំ នៅសាលាក្រុងព្រះសីហនុ កាលពីវេលាម៉ោង ៩:០០នាទីយប់ថ្ងៃដដែល ដើម្បីឲ្យលះបង់នូវទង្វើអាក្រក់របស់ខ្លួន ដែលធ្លាប់អនុវត្តកន្លងមក។
មន្ត្រីរដ្ឋបាលសាលាក្រុងព្រះសីហនុ បានឲ្យដឹងថា ស្ត្រីរូបនោះបានទទួលស្គាល់កំហុស និងបានសូមទោសជាសាធារណៈ ព្រមទាំងបសនចុះកិច្ចសន្យាឈប់ប្រព្រឹត្តនូវទង្វើអាក្រក់ចាក់ចោលសំរាមគ្មានសណ្តាប់ធ្នាប់នៅតាមផ្លូវ ឬតាមទីសាធារណៈបែបនេះតទៅទៀតនាថ្ងៃខាងមុខ។
សូមបញ្ជាក់ថា ស្ត្រីម្នាក់ដែលធ្វើសកម្មភាពចាក់សំរាមលើផ្លូវសាធារណៈ ឲ្យហូរទៅតាមទឹកភ្លៀងនោះ មានឈ្មោះ ដា រ៉ែន អាយុ ២៩ឆ្នាំ មានទីលំនៅស្ថិតខាងក្រោយផ្សាមាន់ សង្កាត់ ៤ ក្រុងព្រះសីហនុ ខេត្តព្រះសីហនុ៕ ដែន សីមា
