ប្រព័ន្ធព័ត៌មានថៃនៅថ្ងៃទី ២៩ ខែឧសភា ឲ្យដឹងថា ក្រសួងការបរទេសថៃពុំទទួលបានព័ត៌មានអំពីការដែលអ្នកស្រីយីងឡាក់ ស៊ីណាវ៉ាត្រា ត្រូវបានរដ្ឋាភិបាលអង់គ្លេសផ្តល់ទិដ្ឋាការអន្តោប្រវេសន៍មានរយៈពេល ១០ឆ្នាំ ដូចដែលប្រព័ន្ធផ្សព្វផ្សាយបានលើកឡើងទេ ។
អតីតនាយករដ្ឋមន្ត្រីថៃ យីងឡាក់ ស៊ីណាវ៉ាត្រា
អ្នកនាំពាក្យក្រសួងការបរទេសថៃ អ្នកស្រី Busadee Santipitaks ឲ្យដឹងថា ៖ “យើងខ្ញុំទើបដឹងព័ត៌មាននេះតាមរយៈសារព័ត៌មាន ។ ក្រសួងការបរទេសថៃបច្ចុប្បន្នពុំទាន់មានព័ត៌មានអ្វីពីបញ្ហានេះទេ” ឆ្លើយតបនឹងសំណួរសួរថា សមត្ថកិច្ចថៃបានធ្វើអ្វីដើម្បីធ្វើប៉ាត់ស្យាប័ណ្ណ ដើម្បីនាំអ្នកស្រីយីងឡាក់ មកកាន់ប្រទេសវិញនោះអ្នកស្រី Busadee កិច្ចសហការរវាងស្ថាប័នពាក់ព័ន្ធនៅតែកំពុងអនវត្ត” ។
មន្ត្រីអង់គ្លេសនៅបដិសេធមិនផ្តល់ព័ត៌មានផ្តល់ទិដ្ឋាការដល់អ្នកស្រីយីងឡាក់ ដោយហេតុថាការពារព័ត៌មានសម្ងាត់បុគ្គល។
គេហទំព័រថៃ ក៏ដូច BBC បានចុះផ្សាយព័ត៌មានថា ជាមួយនឹងអង់គ្លេសផ្តល់ទិដ្ឋាការរយៈ១០ឆ្នាំ អ្នកស្រីយីងឡាក់ ស៊ីណាវ៉ាត្រា មានសិទ្ធិពេញលេញក្នុងការធ្វើដំណើរទាំងក្នុង និងក្រៅប្រទេសអង់គ្លេស ដោយគ្រាន់តែកំណត់ពេលវេលាអតិប្បរមាសម្រាប់ការចេញទៅក្រៅម្តងៗមិនលើសពី ៦ខែ ។ BBC ឲ្យដឹងថា អ្នកស្រីយីងឡាក់ កំពុងប្រើប្រាស់លិខិតឆ្លងដែនផ្តល់ដោយប្រទេសមួយនៅអឺរ៉ុប ។ មុននោះសមត្ថកិច្ចថៃ ធ្លាប់បាននិយាយថា អ្នកស្រីយីងឡាក់ធ្លាប់មានលិខិតឆ្លងដែន Montenegro និង Nicaragua ។
អ្នកស្រីយីងឡាក់បានគេចចេញពីមាតុប្រទេសកាលពីខែសីហា ឆ្នាំទៅម៉ិញ មុនពេលសវនាការកាត់ទោសអ្នកស្រីត្រូវបានបើកឡើងក្រោមបទចោទប្រកាន់ពីករណីប្រាក់ឧបត្ថម្ភថ្លៃអង្ករ ៕ សូយន
