ប្រធានាគណៈកម្មាធិការហិរញ្ញវត្ថុកូរ៉េខាងត្បូង (FSC) Choi Jong-ku ឲ្យដឹងថា ការតភ្ជាប់កិច្ចសហប្រតិបត្តិការសេដ្ឋកិច្ចជាមួយកូរ៉េខាងជើង តាមផែនការវានឹងក្លាយជាកម្លាំងជំរុញសម្រាប់កំណើនសេដ្ឋកិច្ចថ្មីក្នុងមជ្ឈដ្ឋានហិរញ្ញវត្ថុរបស់កូរ៉េខាងត្បូង ក៏ដូចជាវិស័យច្រើនទៀតរបស់ប្រទេសនេះ ។
អគារសន្តិភាពនៅភូមិផ្អាកសង្គ្រាម Panmunjom
លោក Choi Jong-ku បានលើកឡើងការវាយតម្លៃបែបនេះក្នុងសិក្ខាសាលាមួយផ្តួចផ្តើមដោយ Yonhap Infomax ដែលជាអង្គភាពព័ត៌មានហិរញ្ញវត្ថុរបស់ទីភ្នាក់ងារសារព័ត៌មាន Yonhap រៀបចំឡើងនៅថ្ងៃទី ២៩ ខែឧសភា ។ ដកស្រង់របាយការណ៍របស់ធគារវិនិយោគធំៗនៅបរទេស លោក Choi Jong-ku វាយតម្លៃថាកិច្ចសហប្រតិបត្តិការសេដ្ឋកិច្ចអន្តរកូរ៉េ និងជះឥទ្ធិពលសកម្មលើទីផ្សារភាគហ៊ុនកូរ៉េខាងត្បូងក៏ដូចជាខឿនសេដ្ឋកិច្ចទាំងមូលរបស់ប្រទេសនេះ ។
ប្រសិនបើក្រុងសេអ៊ូល និងព្យុងយ៉ាងឯកភាពបន្តអនុវត្តបណ្តាគំរោងសហប្រតិបត្តិសេដ្ឋកិច្ចយ៉ាងម៉ឺងម៉ាត់នោះ តាមលោក Choi Jong-ku វានឹងធ្វើឲ្យកូរ៉េខាងត្បូងប្រមូលចំណូលដល់ទៅ ៥៥ពាន់លានដុល្លារ ៕ សូយន
