តាកែវ ៖ ថ្លែងនៅក្នុងសិក្ខាសាលាត្រួតពិនិត្យផែនការសកម្មភាពខេត្ត ស្តីពី ការផ្គត់ផ្គង់ទឹកស្អាត និងលើកកម្ពស់អនាម័យជនបទ ឆ្នាំ ២០១៤-២០១៨ កាលពីថ្ងៃទី ៣០ ខែឧសភា ឆ្នាំ ២១០៨នេះ លោក ឈូ សុធា អភិបាលរងខេត្តតាកែវបានជំរុញអោយមន្ទីរអភិវឌ្ឃន៍ជនបទខេត្តនិងដៃគួរពាក់ព័ន្ធទាំងអស់ ត្រូវចូលរួមសហការគ្នាក្នុងការចុះពន្យល់ណែនាំទៅដល់បងប្អូនប្រជាពលរដ្ឋ នៅតាមមូលដ្ឋាន អោយបានយល់ដឹងពីសារៈប្រយោជន៍ ពីការប្រើប្រាស់ទឹកស្អាត រស់នៅស្អាត និងហូបស្អាតទាំងអស់គ្នា ដើម្បីសុខមាលភាពរបស់ពលរដ្ឋរបស់យើង ។
លោកអភិបាលរងខេត្តបានបន្តថា ប្រសិនបើយើងទាំងអស់គ្នាធ្វើការចូលរួមសហការ ក្នុងការណែនាំពីបញ្ហាអនាម័យនៃការប្រើប្រាស់ទឹក ទៅដល់បងប្អូនប្រជាពលរដ្ឋនៅតាមទីជនបទ អោយពួកគាត់បានយល់ដឹង អំពីបញ្ហាមួយចំនួនដែលធ្វើអោយប៉ះពាល់ដល់សុខភាពបណ្តាលមកពីការហូបទឹកមិនស្អាតនោះ វាពិតជាល្អណាស់ ព្រោះមានបងប្អូនប្រជាពលរដ្ឋរបស់យើងមួយចំនួនធំ នៅតាមទីជនបទ បាននាំគ្នាពិសារទឹកមិនស្អាត មិនដាំអោយពោះ ដែលនេះគឺជាកត្តាប៉ះពាល់ដល់សុខភាព ធ្វើអោយពួកគាត់ខាតបង់នៅថវិការ ដោយសារតែសុខភាពពួកគាត់ បណ្តាលមកពីការហូបមិនស្អាត គ្មានអនាម័យ ។ ដូច្នេះដើម្បីអោយពួកគាត់បានចូលរួមក្នុងការថែទាំ និងគិតគួរពីបញ្ហាសុខភាពរបស់ពួកគាត់ទាំងអស់គ្នានោះ គ្រប់ដៃគូរនិងមន្ទីរពាក់ព័ន្ធទាំងអស់ត្រូវតែចុះអប់រំ ពន្យល់ណែនាំដល់ពួកគាត់នៅតាមមូលដ្ឋាន អំពីការទទួលទានទឹកស្អាត ទឹកដាំពុះ ដែលមានអនាម័យត្រឹមត្រូវ ៕ តាកែវ