ខេត្តព្រះសីហនុ ៖ លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ កាលពីព្រឹកថ្ងៃពុធ ទី ៣០ ខែឧសភា ឆ្នាំ២០១៨ បានដឹកនាំមន្ត្រីអាវុធហត្ថក្រោមឱវាទ ចុះសួរសុខទុក្ខ គ្រួសារសព លោកអនុសេនីយ៍ឯក ឆេង សុខនី រស់នៅឃុំកែវផុស ស្រុកស្ទឹងហាវ ដែលទទួលមរណភាព ក្នុងគ្រោះថ្នាក់ចរាចរណ៍ពេលបំពេញការងារ នៅស្រុកព្រៃនប់ កាលពីពេលថ្មីៗនេះ។
នាឱកាសនោះ លោក ហេង ប៊ុនទី បានចូលរួមរំលែកទុក្ខគ្រួសារសព លោក ឆេង នី ព្រមទាំងបានប្រគល់ជូនថវិកាមហាគ្រួសារកងរាជអាវុធហត្ថចំនួន ៤៩.៥៣១.០០០ (សែសិបប្រាំបួនលានហាសិបបីម៉ឺនមួយពាន់រៀល) ជូនគ្រួសារសព លោក ឆេង នី សម្រាប់ចំណាយទៅលើបញ្ហាផ្សេងៗ។
លោកឧត្តមសេនីយ៍ត្រី ហេង ប៊ុនទី បានបង្ហាញការសោកស្តាយជាមួយក្រុមគ្រួសារសព ចំពោះការបាត់បង់សមាជិកគ្រួសារដ៏សែនក្រៀមក្រំនៅពេលនេះ។
ឮទោះយ៉ាងណា លោកថា មហាគ្រួសារកងរាជអាវុធហត្ថ នឹងនៅតែចងចាំមិនអាចបំភ្លេចបានទេ ចំពោះការបាត់បងមន្ត្រីកងរាជអាវុធហត្ថខេត្តព្រះសីហនុដ៏សកម្មម្នាក់ ដែលមានស្នាដៃក្នុងការងារបំរើប្រជាពលរដ្ឋ និងសង្គមជាតិពេល នៅក្នុងអំឡុងពេលលោកមានជីវិតនាពេលកន្លងមក៕ ដែន សីមា
