អាមេរិកនិងកូរ៉េខាងជើងកំពុងសកម្មជំរុញការងារត្រៀមបម្រុងសម្រាប់សន្និសីទកំពូលជាប្រវត្តិសាស្ត្ររវាងប្រធានាធីបតីអាមេរិក-កូរ៉េខាងជើង គីម ជុងអ៊ុន នឹងប្រព្រឹត្តទៅនៅទី ១២ ខែមិថុនា។
ជំនួបកំពូលអាមេរិក-កូរ៉េខាងជើងនឹងប្រព្រឹត្តទៅនៅវិមានប្រធានាធិបតីសិង្ហបុរី
សេចក្តីប្រកាសពីសេតវិមានឲ្យដឹងថា ប្រមុខការទូតអាមេរិក Mike Pompeo និងអនុប្រធានមជ្ឈិមបក្សពលករកូរ៉េ ក៏មានជំនួបពិភាក្សានៅបុរីញូយ៉កអាមេរិក ក្នុងសប្តាហ៍នេះដើម្បីជំរុញការងារត្រៀមបម្រុងសម្រាប់ជំនួបកំពូល ។
ក្នុងសេចក្តីប្រកាសព័ត៌មានមួយរបស់អ្នកនាំពាក្យសេតវិមាន Sarah Sanders បានលើកឡើងច្បាស់ថា ៖ “គិតចាប់ពីគ្រាដែលប្រធានាធិបតីអាមេរិក ដូណាល់ ត្រាំ ផ្ញើសារលិខិតឲ្យមេដឹកនាំគីម ជុងអ៊ុន ភាគីកូរ៉េខាងជើង បានសម្តែងស្មារតីសហប្រតិបត្តិការយ៉ាងខ្លាំងជាមួយអាមេរិក ក្នុងការរៀបចំជំនួបកំពូល” ។
តាមអ្នកស្រី Sanders នោះប្រមុខការទូតអាមេរិក នឹងមកកាន់បុរីញូយ៉ក ហើយនៅទីនេះពីរថ្ងៃ ដើម្បីពិភាក្សាការងារជាមួយលោក Kim Yong-chol ។
ខណៈពេលនោះដែរអនុខុទ្ទកាល័យសេតវិមាន Joe Hagin កំពុងដឹកនាំប្រតិភូអាមេរិកមួយទៅកាន់សិង្ហបុរដើម្បីធ្វើការជាមួយប្រតិភូកូរ៉េខាងជើង ដឹកនាំដោយនាយកខុទ្ទកាល័យ Kim Chang Son ដែលត្រូវបានចាត់ទុកជាដៃស្តាំរបស់លោក គីម ជុងអ៊ុន ដើម្បីតៀមបម្រុងការងារហិរញ្ញវត្ថុ និងសិន្តិសុខសម្រាប់ជំនួបកំពូលនេះ ។
មុននោះដែរ ឯកអគ្គរដ្ឋទូតអាមេរិក ប្រចាំហ្វីលីពីន ត្រូវបានកោះហៅមកដឹកនាំក្រុមការងាររបស់អាមេរិក ទៅជួបពិភាក្សាជាមួយអនុរដ្ឋមន្ត្រីការបរទេសកូរ៉េខាងជើង Choe Son Hui នាតំបន់គ្មានកងទ័ព (DMZ) ចន្លោះព្រំដែនកូរ៉េទាំងពីរ ។
ទន្ទឹមនឹងសកម្មភាពមមាញឹករបស់អាមេរិក និងកូរ៉េខាងជើង នោះរដ្ឋមន្ត្រីការបរទេសចិនវ៉ាងយី ក៏បានទៅកាន់ក្រុងព្យុងយ៉ាងនៅដើមខែ ឧសភា ក៏ដូចជាជំនួបកំពូលយ៉ាងប្រថុចញ៉ុច រវាងមេដឹកនាំកូរ៉េទាំងពីរកាលពីសប្តាហ៍មុន ។
ក្នុងពេលនោះដែរ នាយករដ្ឋមន្ត្រីជប៉ុន Shinzo Abe ក៏មានគំរោងនឹងមកកាន់ក្រុងវ៉ាស៊ីនតោននៅថ្ងៃទី ៧ ខែមិថុនា ដើម្បីពិភាក្សាជាមួយប្រធានាធិបតីដូណាល់ត្រាំ អំពីវិធីដោះស្រាយនុយក្លេអ៊ែររបស់កូរ៉េខាងជើង ។
ប្រមុខការទូតរុស្ស៊ីក៏មានគម្រោងមកទស្សនកិច្ចនៅកូរ៉េខាងជើង នៅថ្ងៃព្រហស្បតិ៍ ស្អែកនេះ ។
ជំនួបកំពូលរវាងអាមេរិក-កូរ៉េខាងជើង តាមគម្រោងនឹងប្រព្រឹត្តទៅនៅថ្ងៃទី ១២ ខែមិថុនាខាងមុខ រំពឹងថាវានឹងប្រមូលផ្តុំរំសាយនុយក្លេអ៊ែរនៅឧបទ្វីបកូរ៉េទាំងស្រុង ទោះបីភាគីទាំងសងខាងនៅមានការខ្វែងគំនិតគ្នាយ៉ាងណាក្តី ៕ សូយន