ប្រធានរដ្ឋចិន ស៊ី ជិនពៀន និងមេដឹកនាំ គីម ជុងអ៊ុន តាម KBS នៅថ្ងៃ ៣០ ខែឧសភានេះ បញ្ជាក់ថា កាសែត Oriental របស់ហុងកុង បានផ្សាយព័ត៌មានថា មេដឹកនាំកូរ៉េខាងជើង រុស្ស៊ី ចិន នឹងជួបគ្នានៅប្រទសចិន មុនពេលដែលមេដឹកនាំកូរ៉េខាងជើងគីម ជុងអ៊ុន ទៅជួបពិភាក្សាជាមួយអាមេរិក នៅថ្ងៃទី ១២ ខែមិថុនា ខាងមុខ តាមកាសែត Oriental ដដែលឲ្យដឹងថា លោកគីម ជុងអ៊ុន នឹងជួបជាមួយប្រធានរដ្ឋចិនស៊ីជិនពៀន និងប្រធានាធិបតីរុស្ស៊ី ពូទីន នៅទីក្រុង ស៊ីងដាវ ខេត្តសានដុង ភាគខាងកើតប្រទេសចិន ។
ប្រភពដដែលនៅបានបញ្ជាក់ថា ជំនួបកំពូលត្រីភាគីនេះ នឹងប្រព្រឹត្តទៅនាឱកាសបើកសន្និសីទកំពូលនៃអង្គការសហប្រតិបត្តិការសៀងហៃ (SCO) លើកទី ១៨ ដែលមានរយៈពេល ពីរថ្ងៃគឺ ៩-១០ ខែមិថុនា ។ ប្រសិនបើនេះជារឿងពិតនោះ វាគឺជាលើកទី ៣ហើយ ដែលមេដឹកនាំកូរ៉េខាងជើង គីមជុងអ៊ុន មានជំនួបកំពូលដល់ទៅ ៣ដងនៅប្រទេសចិន ក្នុងអំឡុងពេល ពុំបាន ៣ខែផង ៕ សូយន