ខ្ទើយ៣នាក់នៅក្នុងទីក្រុងប៉ាតាយ៉ា ដែលឃើញនៅក្នុងវីដេអូ ដែលក្នុងនោះអនុញ្ញាតឲ្យភ្ញៀវទេសចរចិន ស្ទាបមើល «ផ្នែកឯកជន» របស់ពួកគេនៅក្នុងបន្ទប់សណ្ឋាគារ ត្រូវបានផាកពិន័យ និងបង្ខំឲ្យសុំទោសជាសាធារណៈ កាលពីម្សិលមិញ ។
ខ្ទើយទាំងបីដែលមានឈ្មោះ Kanisorn Toonjit, Noppadol Jorwan និង Samtip Naimoo ត្រូវបានគេរាយការណ៍ថា មានអាយុស្របាលៗគ្នា ៣០ ឆ្នាំ ។ ពួកគេបានអះអាងថា វីដេអូដែលផ្ទុះកក្រើកលើកដំបូងពេញមួយសប្តាហ៍មុននេះ បានធ្វើឡើងកាលពីឆ្នាំ២០១៣ មកម្លេះ នៅពេលពួកគេត្រូវបានទាក់ទងឲ្យស្រាត សម្រាប់ភ្ញៀវទេចរដែលចង់ដឹងចង់ឃើញ «ផ្នែកឯកជន» របស់ពួកគេ បន្ទាប់ពីវះកាត់ប្តូរភេទ ។
រូបថត Screenshot ពីវីដេអូ បានបង្ហាញឲ្យឃើញភ្ញៀវទេសចរ២នាក់ បានកៀកកើយជាមួយ «ស្រីស្អាត» ទាំងបី… ហើយសូម្បីយកដៃញែកជើងរបស់ពួកគេផងដែរ ។
យោងតាម Sanook ខ្ទើយទាំងនេះ បានប្រាប់ប៉ូលីសថា ពួកគេបានកំពុង «ធ្វើដំណើរ» ទៅកាន់ផ្លូវដើរមួយ នៅក្នុងប៉ាតាយ៉ា កាលពីរាត្រីមួយ នៅពេលនោះពួកត្រូវបានណែនាំដោយមគ្គុទេ្ទសក៍ទេសចរម្នាក់ ដែលក៏ជាខ្ទើយផងដែរ ។ ហើយបន្ទាប់មក បានស្នើសុំឲ្យជម្រុះសម្លៀកបំពាក់នៅក្នុងពិធីជប់លៀងរបស់ជនជាតិចិនមួយ ដោយឲ្យលុយម្នាក់ៗចំនួន ៤ ពាន់បាត (១៣០ ដុល្លារ) ។
ខណៈពួកគេត្រូវបានក្រុមជនជាតិចិនទាំងនោះ សន្យាថាពុំថតវីដេអូ ប៉ុន្តែ ផ្ទុយទៅវិញ ស្រាប់តែពួកគេត្រូវបាន «សង្គ្រប់» ដោយភ្ញៀវទេសចជាង១០នាក់ ដែលមានជាមួយកាមេរ៉ា ហើយពុំដឹងថានឹងត្រូវបដិសេធយ៉ាងម៉េច!! ។
នៅចុងបញ្ចប់កម្មវិធី ពួកគេទទួលបានលុយបន្ថែម ៥០០ យន់ (ប្រហែល ២៥០០បាត ឬ ស្មើនឹង ៨០ ដុល្លារ) សម្រាប់ភាពអាម៉ាសនេះរបស់ពួកគេ ៕ ឧត្តម
