ប៉ូលិសនៅទីក្រុងមួយជាប់ព្រំដែនចិន ទើបបើកការស៊ើបអង្កេតករណីប្រពន្ធថ្មីវាយប្រពន្ធចាស់ នៅមជ្ឈមណ្ឌលពាណិជ្ជកម្មមួយ ។
ហេតុការណ៍នេះបានបង្កភាពច្របូកច្របល់នៅមជ្ឈមណ្ឌលពាណិជ្ជកម្មប្រភពព័ត៌មានឲ្យដឹងថា ប្រពន្ធមុនរបស់បុរសនោះកើតនៅឆ្នាំ ១៩៩៨ បានត្រូវប្រពន្ធក្មេងទើបនឹងរៀបការវាយឲ្យរយៈក្បាល ត្រូវចូលពេទ្យដេរអស់ ១១ថ្នេរ ។ ហេតុការណ៍នេះត្រូវបែកធ្លាយដល់ប៉ូលិសកាលពីថ្ងៃទី ២៩ ខែឧសភា កន្លងមក ក្រោយពេលដែលឃ្លីបនៃឆាកប្រយុទ្ធផ្តើមឡើងដោយប្រពន្ធក្រោយ ចំពោះភរិយាមុនរបស់បុរសដែលគេមិនទម្លាយឈ្មោះ ។
ដំបូងឡើយគេឃើញនាងស្រីក្មេងជាប្រពន្ធក្រោយ (ពាក់អាវក្រៅពណ៌ស) បានធ្វើការជេរប្រទេចរួចក៏បង្កជាជម្លោះជាមួយភរិយាមុន ។ ចុងក្រោយភរិយាថ្មីបានស្ទុះទៅវាយផ្តួលគូ “សត្រូវ” រួចប្រើជើងទាត់យ៉ាងសាហាវទៅលើក្បាល ពោះ និងមុខរបស់ប្រពន្ធមុន ។
ប្រពន្ធមុនត្រូវចូលពេទ្យដេរអស់ ១១ថ្នេរ ។
មនុស្សជាច្រើនដែលមានវត្តមាននៅទីនោះបានចូលមករារាំង តែនាងជាប្រពន្ធក្រោយបានកាន់ថ្មពិលធ្វើជាអាវុធ ហើយបញ្ឈឺគេថា សាកចូលមកមើលបើមិនបែកក្បាលនោះ ។ ប៉ូលិសបានយកចម្លើយរបស់បុរសដែលជាដើមចម ។ បុរសនោះប្រាប់ថា មូលហេតុប្រហែលជាគាត់បានទូរស័ព្ទ និងផ្ញើសារជាមួយប្រពន្ធមុន ជុំវិញរឿងថ្នាំសម្រកទម្ងន់ ។ បុរសនេះអះអាងថា ប្រពន្ធមុនគឺបានលែងលះគ្នា២ឆ្នាំមកហើយ ហើយខ្លួនទើបយកប្រពន្ធក្រោយនេះ ។ តាមប៉ូលិសវៀតណាម ប្រពន្ធក្រោយកាចសាហាវរូបនេះប្រឈមទោសព្រហ្មទណ្ឌ ៕ លីសា